اسلام آباد ۔08 دسمبر(اے پی پی)راجی اسمبلی ءِ سپیکر اسد قیصر ءَ گوشت کہ پاکستان ءُُ ایران براتیں اسلامی ھمساھگ ءِ ملک انت ،دوئیں ملکانی اسلامی روایات،ربیدگی ءُُ ھمساھگی ءِ لازوال رھوت ءَ بندوک انت۔اے ھیالانی درشان آہاں تہران ءِ تہ دومی سپیکرز کانفرنس ءِ ساعت ءَ وتی ایرانی ہمکار ڈاکٹر علی لاریجانی ءِ گوما گند ءُُ نند ءِ تہ گپ ءُُ تران کنان ءَ گوشتگ ات۔گند ءُُ نند ءِ تہ دودیمی دمگی سلامتیءُُ وت مہ وتی کسبی معاملہانی ھوار دگہ ھاسیں کارانی سرا ھیال ریچی کنگ بوتگ۔ سپیکر قومی اسمبلی ءَ گوشت کہ پاکستان ایران ءُُ دگہ دوست ملکاں گوں وتی سیادی ءَ را شرپ ءِ چماں چارگ انت۔آہاں گوشت کہ جنوبی ایشیاءءِ ملکاں را وتی جیڈھ ءَ را حل کنگ ءِ ھاترایکجاھیں کوشستانی تہ گیش ترندی آرگ بیت۔آہاں گوشت کہ خطہ ءِ تہ امن ءُُ سلامتی ءَ را گہتر کنگ ءِ ھاترا،دمگی دیمرویےءُُ معیشتءَ را مھکم کنگ ءِ ھاتراخطہ ءِ دراھیں ملکاں را ھاسیں گامگیج چست کنگ بنت۔مھکمیں معیشت کجام ملک ءِ سرین ءِ ھڈ بوھگ انت،مارا گیشاں چہ گیش سرمایہ کاری ءِ وسیلگ ءَ وتی ملکانی معیشت ءَ را سوگو کنگ ءِ ضلورت انت۔
