اسلام آباد ۔ 27 نومبر (اے پی پی)بنجاہی وزیر نیشنل ہیلتھ سروسز ، ریگولیشنزاینڈ کوآرڈنیشن عامر محمود کیانی ءَ اسلام آباد ءِ بلڈبینکس ءِ نماھندگاں گوں گند ءُُ نند کتگ۔اے گند ءُُ ننداسلام آباد بلڈ ٹرانسفیوژن اتھارٹی(آئی بی ٹی اے)ءِ نیمگا چہ برجم دارگ بوتگ ات۔ایشی ءِ مکسد بنجاہی وزیرجانسلامتی ءَ را بلڈ بینکسءِ نماھندگاں گوں پجار کنائینگ ءُُ آئی بی ٹی اے ءِ سوبمندی ءُُ کارکردگی ءِ باروا سرپدکنگی ات۔بنجاہی وزیر ءَ بلڈ بینکس ءِ نماھندگانی تہ پجاری سرٹیفکیٹس ھم بہر ءُُ بانگ کتگ ات۔اے گند ءُُ نند ءِ مہمانداری آئی بی ٹی اے ءِ چیرمین پروفیسر حسن عباس ظہیر ءَ کتگ ات۔ اے درگت ءَ تران کنان ءَ بنجاہی وزیر ءَ گوشت کہ پروفیسر حسن ءِ سروکی ءِ تہ آئی بی ٹی اے ءِ سوبمندی ءَ را ساڑاتگ ءُُ بلڈ ٹرانسفؤزن ءِ تک ءِ تہ بوتگیں گہترکاری ءِ سرا تسلہ ءِ درشان کتگ
