اسلام آباد ۔ 13نومبر (اے پی پی) قومی سیرت کانفرنس نا بست وبند آتا بابت آن جاچ دیوان اس سے شنبے نادے آ وزارت مذہبی امور اٹی مس۔ دیوان نا کماشی ءِ بنجائی مذہبی امور پیر نور الحق قادری کرے۔ دیوان اٹی سیکرٹری مذہبی امور میاں محمد مشتاق و وزارت مذہبی امور نا ایلو بڑزکو آفیسر آک ساڑی ئسر۔ وزیر مذہبی امور ءِ قومی سیرت کانفرنس نا بابت داوخت اسکان کروک آ بست وبند آتیان معلومدار کننگا۔ داوخت آ معلومدار کرسا پاننگاکہ قومی سیرت کانفرنس 20 و 21نومبر آ کنونشن سنٹر اسلام آباد اٹی اڈ ہلیک۔ کانفرنس نا اِراسیشن مریرہ اسہ دے صدر مملکت ڈاکٹر عارف علوی و اسہ دے وزیراعظم پاکستان عمران خان مہمان خاص مریک۔ وزیر مذہبی امور ءِ پاننگاکہ کانفرنس آن مچ آ ملک آن جید عالم دین آتون اوار مصر، سعودی عرب و ایران آن ہم مندوبین آتے بٹنگ انگانے۔ وزیر مذہبی امور پارت کرے کہ کانفرنس نا غٹ بست و بند آتے گچین وڑاٹ پورو دروشم تننگے تانکہ درملکی مہمان آتون اوار پاکستانی مندوبین آتیان اسٹ اسے ہم تکلیف و دقت تون مون تروئی تمپ۔
