اسلام آباد۔ 09 نومبر (اے پی پی) قومی اسمبلی ءِ وزارت خزانہ ناکنڈآن پاننگانے کہ سپریم کورٹ آف پاکستان و وزیراعظم پاکستان نا دیامر بھاشا ڈیم انا جوڑ کننگ کن جوڑ کروک فنڈ اٹی داوخت اسکان 80 کروڑ 40 لکھ روپئی جمع مسنے ہرافتا سرجم احوال ملنگ آ ایوان ءِ معلومدار کننگک۔ جمعہ نادے قومی اسمبلی ٹی وقفہ سوج آتے ٹی مسرت رفیق مہیسر نا سوج انا ورندی ٹی وزیر مملکت حماد اظہر قومی اسمبلی ءِ پارے کہ سپریم کورٹ و وزیراعظم پاکستان دیامر بھاشا ڈیم نا رداٹ داوخت اسکان 804ملین روپئی جمع کننگانے۔ اوپارے کہ ننے وخت تننگے نن سرجم آتے ایوان اٹ پیش کینہ کہ دا پیسہ غاک ہراہراکان بسنو۔
