اسلام آباد۔ 25ستمبر (اے پی پی) متحدہ مجلس عمل نا باسک قومی اسمبلی شاہدہ اختر علی پارے کہ ریگولیٹری ڈیوٹی تیٹی ودکی آن پیداواری خڑچ زہمی مریک ہراڑآن برآمد آک زہمی مریرہ ، ہراخلقت خراج تفک اوفتے خراج نیٹ اٹ اتنگے۔ سے شنبے نادے ضمنی مالیاتی بل 2018 ء آ شرہ ٹی بشخ ہلسا اوپارے کہ اسد عمر ضمنی مالیاتی بل ءِ ہراتم پیش کرے اونا ابتدائیہ آن پورو اتفاق کیوہ انتئے کہ اوٹی پاننگانے کہ نیزگار نیزگار تر و ہزگار ہزگار مرسا ہِننگ ءِ داحقیقت آن ہچ ءُ پاکستانی اس انکار کننگ کپک۔ ولے مچ آ دوبہ ءِ مسکوہی حکومت آتیا بٹنگ انگ ءِ۔ اگہ اوفتے ہیت اسے آ اعتراض ارے تو اصلاحات ہم اتیر بریر تانکہ دا اصلاحات آتا بھرم آک الس اسکان سرمریر۔ اوپارے کہ نیزگار الس نا حالیت ءِ گچین جوڑ کننگ کن معیشت اٹی شریدار جوڑ کننگے۔ ضمنی مالیاتی بل 2018 ء ہم مسکوہی روایت آتا عکاس ءِ۔ اوٹی ہچ ءُ بھلو بدلی اس درستی راستی کرفنگتنے، پیہن پوش تپہ غا پین خراج لگا تو زہمی مریک۔ او سلاہ تس کہ پرائیویٹ پبلک سیکٹر نا شراکت آن ورناتے کن روزگار نا وارخواہی ودی کننگے۔
