اسلام آباد۔7جولائی (اے پی پی):مزن وزیر محمد شہباز شریف ءَ اتصالات گروپ ءَ را پاکستانی معیشت ءِ جتا جتائیں شوبگ آنی تہ ءَ گیش سرمایہ کاری ءِ دعوت داتگ ءُ گوشت کہ اماراتی کمپنی آنی ھواریں سرجمیں درملکی سرمایہ کاری کمپنی آناں ملک ءَ کاروباری دوستیں چاگرد ءِ پھجارینگ ءُ گیش ءَ چہ گیش سرمایہ کاری ءِ موہ پجارینگ مئے اولی ترجی آنی تہ ءَ ھوار اِنت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اماراتی ٹیلی کمیونیکیشن کمپنی اتصالات گروپ ءِ سی ای او حاتم دودر ءِ سروکی ءَ پنچ باسکی ڈل ءَ مزن وزیر محمد شہباز شریف ءَ گوں گند ءُ نند کتگ۔ گند ءُ نند ءِ ساھت ءَ مزن وزیر ءَ اتصالات گروپ ءَ را پاکستانی معیشت ءِ جتا جتائیں شوبگ آنی تہ ءَ گیش ءَ چہ گیش سرمایہ کاری کنگ ءِ دعوت دات۔ آئی ءَ گوشت کہ حکومت اے درگت ءَ سرجمیں آسراتی پجاری کنت، امارات ءُ پاکستان ءِ نیام ءَ یکجائی دود ءُ ربیدگ، براتی ءُ مذہبی قدر آنی بنیات ءَ دیریں سیادی است انت، اماراتی کمپنی پاکستانی معیشت ءَ بازیں وھد ءَ چہ سرمایہ کاری کنگ ءَ انت، ملک ءَ کاروباری کمپنی دوستیں چاگرد ءِ پجارینگ ءُ اماراتی کمپنی آنی واستہ گیش سرمایہ کاری ءِ موہ پجارینگ ءَ ھوار انت۔ مئے اولی اولویتانی تہا ہوار انت۔ سی ای او حاتم دویدر ءَ گوستگیں حکومت ءِ سرمایہ کار دوستیں پالیسی آنی سبب ءَ پاکستان ءَ میاں اوستمانی کمپنی آنی واستہ جوانیں کاروباری چاگرد پجاری کنگ ءِ واستہ مزن وزیر ءَ را شگر ءُ منت گپت۔ آئی ءَ گوشت کہ اتصالات گروپ گوستگیں 19سال ءَ چہ پاکستان ءَ سوبمندیں رنگ ءَ سرمایہ کاری کنگ ءَ انت ءُ گیش کاروبار ءُ سرمایہ کاری ءِ ودار ءَ انت، مئے کمپنی ءَ دہ ہزار ءَ چہ گیش پاکستانی ارزشتی ایں ازمت کنگ ءَ انت، ما آیوکیں وھد ءِ واستہ پاکستان ءَ دراجیں مدت ءُ سوبمندیں سرمایہ کاری ءِ واستہ جزم آں۔ گند ءُ نند ءِ تہ ءَ نائب مزن وزیر ءُ دری کارانی وزیر محمد اسحاق ڈار، وزیر ءِ ھزانگ محمد اورنگزیب،آئی ٹی ءِ وزیر شازہ فاطمہ خواجہ ءُ سیادی داروکیں ادارگ آنی مزنیں افسر آں شریک کت۔
