اسلام آباد۔ 25 ستمبر (اے پی پی) قومی اسمبلی ءِ پاننگانے کہ پاکستان تحریک انصاف نا حکومت تاریخ اٹی اولیکو وار کانودی و غیر کانودی مہاجر آتا حساب وکتاب ءِ یکجا کننگ نا بناءِ کرینے، وزیراعظم عمران خان پاکستان اٹی ودی مروک آ مہاجر آتا چناتے شہریت تننگ نا بابت پالیسی بیان اس تسنے ولے دابابت ہر فیصلہ ءِ پاکستان نا آئین ، کانود ءِ مون آ تخسا و غٹ پارلیمانی جماعت آتے پت اٹ ہلسا کننگک۔ سے شنبے نادے قومی اسمبلی ٹی حناربانی کھر نا پاکستان اٹی رہینگوک آ مہاجر و غیر کانودی پردیسی تے پاکستان نا شہریت تننگ نا بابت چکاری نوٹس نا ورندی ءِ ترسا بنجائی وزیر ڈاکٹر شیریں مزاری پارے کہ وزیراعظم کراچی ٹی اسہ پارلیسی اسے نا پڑو ءِ کریسس داٹی کانودی و انسانی محرکات ءُ۔ داڑآ عملدرآمد نا فیصلہ باقاعدہ وڑوڈول انا رداٹ پارلیمنٹ ءِ پت اٹ ہلسا کننگک۔
