اسلام آباد۔7جولائی (اے پی پی):مزن وزیر محمد شہباز شریف ءَ را ایف بی آر ءُ انٹیلی جنس بیورو ءِ نیمگ ءَ ٹیکس چوری ءُ ہارڈنگ ءِ ھلاپ ءَ آپریشن ءِ رپورٹ پیش کنگ بوتگ، ایشی ءِ تہ ءَ گوشگ بوتگ کہ یکجائی کوشست آنی وسیلگ ءَ 178ارب کلدار ءِ وصولی ممکن بوتگ، وھدے کہ مزن وزیر محمد شہباز شریف ءَ را ایف بی آر ءُ انٹیلی جنس بیورو ءِ نیمگ ءَ چہ وش آتک کنگ بوتگ۔ ٹیکس ءِ جم کنگ ءَ گیش کنت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ملک ءِ ٹیکس ءِ آمدنی ءَ را گیش کنگ ءِ واستہ توامیں ادارگ آناں یکجائی ءَ کار کنگی اِنت، پاکستان ءِ اقتصادی برجائی ٹیم ءِ یکجائی کوشست آنی سبب ءَ ممکن بوتگ، ملک ءِ وشھالی ءِ وشھالی ءُ الس ءِ وشھالی ءِ واستہ ھرکس ءَ را یکجائی ءَ کار کنگی اِنت۔ مزن وزیر ءَ را ایف بی آر ءُ انٹیلی جنس بیورو ءِ نیمگ ءَ ٹیکس چوری ءُ ہارڈنگ ءِ حلاف ءَ آپریشن ءِ رپوٹ پیش کنگ بوتگ۔ رپورٹ ءِ تہ ءَ گشگ بوتگ کہ انٹیلی جنس بیورو ءُ ایف بی آر ءِ یکجائی کوشست ءَ چہ 178ارب کلدار ءِ زرّ ءِ وصولی کنگ بوتگ۔ اے گامگیج آنی سبب ءَ ٹیلی کمیونیکیشن ءِ شوبگ ءَ کمپنی آنی یکجا کنگ ءُ بقایاجات ءِ رنگ ءَ ٹیکس ءِ آمدنی ءَ را 69ارب کلدار گیشی بوتگ۔ رپورٹ ءِ تہ ءَ اے ھم گْوشگ بیتگ کہ انٹیلی جنس بیورو ءَ شکر، جانور آنی ورگ، مشروبات، ورگ ءِ تیل، تمباکو ءُ سیمنٹ ءِ شوبگ آنی تہ ءَ 515 رند ءَ ارش کتگ ایشی ءِ آسر ءَ ٹیکس چوری ءِ کوشست ناکام بوتگ ءُ 10.5ارب کلدار ءِ گیشیں ٹیکس جم کنگ بوتگ۔ رپورٹ ءِ تہ ءَ اے ھم گشگ بوتگ کہ انٹیلی جنس بیورو ءَ شکر، کدءُ گندم ءِ شوبگ ءَ 13ہزار ءَ چہ گیش آپریشن کتگ تانکہ سامان آنی نرخ آناں جم کنگ ءُمصنوعی رنگ ءَ گیش کنگ ءِ کوشست آناں ناکام کتگ ءُ اپریل 2022 ءَ چہ 99ارب کلدار ءَ چہ گیش ءِ ناجائزیں رنگ ءَ زِر ءَ ایر کتگیں سامان دست کپتگ۔
