اسلام آباد۔7جولائی (اے پی پی): مزن وزیر محمد شہباز شریف ءَ پاکستان ءِ راجدپتر ءَ اولی رند ءَ ایف بی آر ءِ نیمگ ءَ آرٹیفیشل انٹیلی جنس ءِ سر ءَ بنیات ءِ سر ءَ کسٹم کلیئرنس اینڈ رسک مینجمنٹ سسٹم ءِ بندات کنگ ءِ توسیپ کتگ ءُ گوشت کہ ایشی ءَ چہ کاروبار ءَ را آسراتی رس ایت ءُ گیش ءَ چہ گیش ساپ ءُ سلہ ئی ءِ آرگ ءِ وھد ءَ ٹیکس دہندگانی تہ ءَ گیشیں ساپ ءُ سلہ ئی آرگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ایف بی آر ءِ برجاھیں اصلاحات ءِ ھوالگ ءَ جائزہ دیوان برجم دارگ بوت۔ دیوان ءَ وفاقی وزیر محمد اورنگزیب، عطا اللہ تارڑ، چیئرمین ایف بی آر ءُ سیادی داروکیں مزنیں کارندہ آں بہر زرتگ۔ مزن وزیر مینجمنٹ سسٹم ءِ جوڑ کنگ ءِ ھوالگ ءَ کار کنوکیں ٹیم ءِ افسر ءُ کارندہ آناں ساڑاتگ ءَ گوشت کہ نوکیں ٹیکنالوجی ءِ بنیات ءَ جوڑ بوتگیں سسٹم ءَ چہ کاروبار ءَ را آسراتی رسیت ءُ ٹیکس دہندگان ءَ را آسراتی رسیت۔ ٹیکس ءِ نظام ءَ را آٹومیٹ کنگ ءَ چہ اے گیش شفاف بیت ءُ ما ایشی ءَ را گیش کارآمد جوڑ کنگ ءَ ایں ۔ مزن وزیر ءَ نوکیں نظام ءَ را یکپار ءُ پائیدار جوڑ کنگ ءِ پنت ءُ شون کت ءُ گوشت کہ ایف بی آر اصلاحات حکومت ءِ اولی ترجی آنی تہ ءَ ھوار انت۔ انسانی مداخلت ءِ کم کنگ ءَ چہ نظام گیشتر کارآمد بیت ءُ وھد ءُ زرّ ءِ بچت بیت۔ بریفنگ ءِ ساھت ءَ مزن وزیر ءَ را گوشگ بوت کہ نوکیں نظام ءِ چیر دستی ءَ آرٹیفیشل انٹیلی جنس (اے آئی) ءُ بوٹ درآمد ءُ برآمد کنگ ءِ وھد ءَ سامان ءِ ھرچ ءُ درچ ءُ وڑ ءُ پیم ءِ اندازگ ءَ کن اَنت۔ جدید ٹیکنالوجی ءِ سرا مبنی رسک مینجمنٹ سسٹم سامان ءِ نقل و حرکت ءِ ہمراہی ءَ مشین لرننگ ءِ ہمراہی ءَ گہتری ءَ برجاہ دار ایت۔ نوکیں نظام ءِ بنداتی ٹیسٹنگ ءِ وھد ءَ 92 درسد ءَ چہ گیش شریں کارکردگی ءِ پدر کنگ بوتگ۔ مزن وزیر ءَ را گوشگ بوت کہ نظام ءِ بنداتی آزمائش ءِ ساھت ءَ ٹیکس جم کنگ ءِ واستہ نہ ایوک ءَ 83درسد گیش سامان ءِ ڈیکلریشن (جی ڈی) جم کنگ بوتگ بلکینگ ءَ گرین لائٹ ءِ وسیلگ ءَ دو ءُ نیم رند ءَ گیش سامان ءِ جار ھم کلیئر کنگ بوتگ۔ نوکیں رسک مینجمنٹ سسٹم ءَ چہ سامان ءِ نقل و حرکت ءِ ہمراہی ءَ مشین لرننگ ءِ وسیلگ ءَ آٹومیٹک طریقہ کار ءَ را گہتر کنگ بیت۔ انتظامی نظام نظام ءِ تہا ساپ ءُ سلہ ئی آرگ ءَ انت، انسانی مداخلت ءَ کم چہ کم کنگ ءُ کاروباری مردماں آسراتی دیگ بیت۔ مزن وزیر ءَ را گوشگ بیت کہ نوکیں نظام ءِ بندات ءَ چہ سامان ءِ ارزشت ءُ ایشی ءِ ھرچ ءُ درچ ءِ ترند ءُ موثر اندازگ ءِ موہ رس ایت، ایشی ءَ چہ وھد ءِ بچت بیت ءُ ایشی ءِ سر ءَ عمل کنگ ءَ چہ کسٹم ءِ کارندہ آنی سر ءَ دباؤ کم بیت، ساپ ءُ سلہ ئی ءَ را گہتر کنگ ءُ نظام ءَ را گہتر کنگ ءُ کاروباری مردم آناں آسراتی رس ایت۔ دیوان ءَ مینوفیکچرنگ ءِ شوبگ ءَ ٹیکس وصولی ءَ را گیش کنگ ءِ واستہ ویڈیو اینالیٹکس ءِ بنیات ءَ گامگیج آنی بابت ءَ سرپدی دیگ بیت۔ اے نظام ءَ چہ اے شوبگ آنی تہ ءَ ٹیکس آناں وت مہ وتی ءُ شفافیں رنگ ءَ جم کنگ بیت، ایشی ءَ چہ سرکاری آمدنی ءَ را گیش کنگ بیت ءُ ٹیکس دہندہ وتی ٹیکس آناں انسانی مداخلت ءِ رد ءَ دات کن اَنت۔ دیوان ءَ اے گپ ھم سرپد کنگ بیت کہ اے نظام ھرچ ءُ درچ ءِ رد ءَ کارآمد اِنت ءُ بنداتی ٹیسٹنگ ءِ وھد ءَ 98درسد کارآمد گندگ بوتگ۔ دیوان ءَ مینوفیکچرنگ ءِ شوبگ آنی تہ ءَ اے نظام ءِ سر ءَ عمل کنگ ءَ پد ٹیکس آنی ھرچ ءُ درچ ءِ تہ ءَ گیشی ءِ گنجائش ءِ بابت ءَ ھم سرپدی دیگ بوت۔
