راولپنڈی ۔ 31جولائی (اے پی پی) پاک فوج انا سروک جنرل قمر جاوید باجوہ کمبائنڈ ملٹری ہسپتال (سی ایم ایچ ) اٹی دارودرمان مروک روسی کوہ پیما گوکوف الیگزینڈر نا جان پڑسی ءِ کرے ۔ آئی ایس پی آر نارداٹ پاک فوج اناایوی ایشن پائلٹ آک ملک انا قطبی علاقہ غاتیٹی بائیفوگلیشیر اٹی 20ہزار شش سد ءُ پنجافٹ بڑز لاتوک آ اختہ روسی کوہ پیما گوکوف الیگزینڈرءِ رکھوک ہند آ گدریفیر، روسی کو ہ پیما ءِ المی طبی امداد کن سی ایم ایچ سکردو آ گدریفنگا، پاک فوج اناایوی ایشن پائلٹ آک خراب انگا موسمی حالیت آتا باوجود پاکستان اٹی داخلہ بڑز ٹل آ اولیکو وار امدادی کارروائی کریر۔ روسی کوہ پیما داتُو انا 25 تاریخ آن لاتوک نا بڑزکوٹل آ اختہ مسوسس و مسہ دے آن کنوئی گڑاک چٹاسر، روسی کوہ پیما ءِ بچفنگ کن ہفت وار کوشست کننگا ولے برفانی جمبر آتا سوب روسی کوہ پیما ءِ ریسکیو کننگ متو۔اوکان پد روسی کوہ پیما ہ ءِ سی ایم ایچ راولپنڈی آ گدریفنگا۔ سے شنبے نادے آرمی چیف جنرل قمر جاوید باجوہ سی ایم ایچ راولپنڈی ٹی دارودرمان مروک روسی کوہ پیما نا جان پڑسی ءِ کرے ۔
