اسلام آباد۔ 20جولائی (اے پی پی) بنجائی سیکرٹری وزارت اطلاعات و نشریات سردار احمد نواز سکھیرا پارینے کہ پریس آفیسر آک پیشن نا ملک گچین ملکی دروشم ءِ تالان کننگ اٹ ادا کیر، وزارت اطلاعات و نشریات ملک مخالف پروپیگنڈا نا گچین ورندی ءِ تننگ ءِ ۔ او جمعہ نادے انفارمیشن سروسز اکیڈمی نا زیر تربیت آفیسر آتون اوڑدہی ٹی ہیت وگپ کریکہ۔ ڈی جی انٹرنل پبلسٹی تون اوار وزارت اطلاعات نا بڑزکو کمامدارآک ہم اوڑدہی ٹی ساڑی ئسر۔ سیکرٹری اطلاعات احمد نواز سکھیرا آفیسر آتے وزارت نا معاملہ غاتا بابت پارے۔ اوپارے کہ ساڑی آ وخت انا گرج آتا رداٹ وزارت نا کڑد اہم مسنے ، وزارت ملک مخالف پروپیگنڈا نا گچین ورندی ءِ تننگ ءِ ، پوسکن آ آفیسر آک ذرائع ابلاغ نا پوسکن آ گرج آتیان بایدے ہم آہنگ مریر، انفارمیشن آفیسر آتے ملکی وقار نا ترویج کن گچین کڑد ادا کروئی ءِ۔ اوپارے کہ راج اٹی سگ انا دودوربیدگ ءِ مون آ دننگ نا گرج ءِ۔ سردار احمد نواز سکھیرا پارے کہ ملکی دروشم ءِ گچین جوڑ کننگ کن سوشل میڈیا نا گچین کاریم اٹ اتنگ المی ءِ۔ اوپارے کہ پاکستان عظیم دودوربیدگ و میرات نا امین ءِ، لوک ورثہ و پی این سی اے نا دودوربیدگی ترویج و فنکار آتا شرحالی کن گچین ءُ کڑد اسے۔
