اسلام آباد ۔ 21 جون (اے پی پی)پاکستان ءَ ترکمانستان ءِ سفیرعطاء جان معلموف ءَ راجی ھال رسانکی ادارگ ایسی ایٹڈ پریس آف پاکستان اسلام آباد ہیڈ آفس ءِ تر ءُُ تاب کت ءُُ منیجنگ ڈائریکٹر مسعود ملک ءَ گوں گند ءُُ نند ءِ کت۔ گپ ءُُ تران ءِ ساھت ءَ وت مہ وتی یکوئی کار آنی سر ءَ باست ءُُ واست کنگ بوت اَنت۔ ترکمانستان ءِ سفیر ءَ وتی سبزکرائیبر ءُُ ایندگر سورس آناں جوانیں ءُُ مھکمیں ھال ءِ شنگ کاری ءِ واستہ اے پی پی ءِ اِزمت آناں ساڑا کت۔ آئی ءَ ایم ڈی مسعود ملک ءَ را ترکمانستان ءِ راجی ھال رسانکی ادارگ ترکمن نیوز سروس ءِ بابت ءَ بریف کت۔ گند ءُُ نند ءِ ساھت ءَ دوئیں ھال رسانکی ادارگ آنی کار ءِ وڑ ءُُ پیم ءُُ آپریشنز آنی بابت ءَ باست ءُُ واست کنگ بوت وھدیکہ سفیر ءَ ھال آناں شریں ءُُ مول ءُُ مرادی زورگ ءُُ دیگ ءِ رد ءَ رکمن نیوز ایجنسی ءِ گوما ایم او یو ءِ سر ءَ دست چنگل ءِ واستہ ترکمانستان ءَ آیگ ءِ دعوت دات۔ آئی ءَ اھوالکار ءُُ کارندہ آنی ھیل کاری پروگرادم ءُُ وت مہ وتی دیگ ءُُ زوگ ءِ واستہ کار کنگ ءِ سر ءَ تپاک کت۔ سفیر ءِ گوشگ اَت کہ دوئیں ھال رسانکی ادارگ آنی نیام ءَ کمک ءُُ انفارمیشن ءِ دیگ ءُُ زورگ ءَ چہ دوئیں ملک آنی الس وت مہ وت گیش نزیک بوھگ ءَ کمک رسیت۔ ایشی ءَ چہ پد منیجنگ ڈائریکٹر اے پی پی ءَ ترکمانستان ءِ سفیر ءَ را اے پی پی ءِ شیلڈ پیش کت۔
