اسلام آباد۔21جون (اے پی پی) چین ءِ شنگ ءُ شانگی ادارگ سی پی سی ءِ نائب سروک چیانگ چیانگ کو ءَ گشتگ کہ ون بیلٹ ، ون روڈ منصوبہ راستی جوڈ بوھگءَ اِنت، 2013ءِ صدر شی جن پنگ ءِ نیمگءَ چہ پیش کتگیں یک پٹی یک شاہ دگ ءِ منصوبہ نوں راستی جوڈ بوھگءَ اِنت۔ بیجنگ ءَ بوتگیں دومی ’’ ون بیلٹ ون روڈ جرنلسٹ ءِ کانفرنس‘‘ ءَ گوں تران کنانءَ آئیءَ گشتگ کہ چین دنیا ءِ تہا معیشت ءِ ھاترءَ نوکیں در پچ کنگءَ اِنت ءُ دراھیں ملک آنی گوما ھوار کنگ ءِ ھاترءَ ساڑی اِنت۔ اے موھءِ سرءَ آل چائنا جرنلسٹ ایسوسی ایشن ءِ صدر چانگ یانگ ءَ گشتگ کہ یک پٹی یک شاہ دگ منصوبہ ءِ ردءَ پاکستان ءِ تہا چین پاکستان اقتصادی راہداری ءِ سرءَ کار جاری اِنت ءُ اے منصوبہ سک باز ارزشت داریت ایشیءِ سرءَ کمک جار ی اِنت۔
