اسلام آباد۔ 28 دسمبر (اے پی پی) صدر مملکت ممنون حسین دہشت گردی و انتہاپسندی نا برخلاف جنگ اٹی انٹرسروسز انٹیلی جنس(آئی ایس آئی) نا کڑد انا ستائِ کرسا پارینے کہ لمہ وطن نا دفاع کن ملک انا بڑزکو انٹیلی جنس ادارہ نا قربانیک ستاکڑزرہ۔ اوداہیت ئِ چارشنبے آ داڑے ایوان صدر اٹی پوسکن آ ڈی جی آئی ایس آئی لیفٹیننٹ جنرل نوید مختار تون اوڑدہی نا وخت ہیت وگپ کرسا پارے۔ صدر اومیت ظاہر کرے کہ آئی ایس آئی قوم انا اومیت آتیا پوروسلک و بڑزکو انٹیلی جنس ادارہ دژمن نا مذموم عزم آتے شکست ایتک۔ صدر لیفٹیننٹ جنرل نوید مختار ئِ ڈی جی آئی ایس آئی مقرر مننگ نا مبارکباد ترسا اومیت کرے کہ ڈی جی آئی ایس آئی بھلو آزموندہ و کسبی مہارت آن زمواری تے ادا کیک۔
