اسلام آباد۔ 21مئی (اے پی پی) قومی اسمبلی ٹی سیالکوٹ ورکنگ باؤنڈری آ بھارتی سم کاری آن تپاخت کروک آ چناتتون اوار مسہ زالبول و امریکہ ٹی دہشت گرد آتا سم کاری آن تپاخت کروک آ پاکستانی طالب علم سبیقہ شیخ انا روح انا ثواب کن فاتحہ خوانی کرفنگا۔ دوشنبے نادے قومی اسمبلی نا دیوان نا بناء آ اسپیکر قومی اسمبلی سردارایاز صادق پارے کہ سیالکوٹ اٹی ورکنگ باؤنڈری آ بھارت نا بے خار سم کاری آن مسہ زالبول چناتتون اوار شہید مسنو داکان بیدس امریکہ نا ریاست ٹیکساس اٹی دہشت گرد آتا سم کاری آن پاکستان طالب علم سبیقہ شیخ ہم شہید مسنے، حالانکہ دہشت گردی نا دوبہ پاکستان آ خلنگک ولے دا امریکی دہشت گردی ٹی پاکستانی طالب علم ہم تپاخت کرینے۔ اسپیکر نا پاننگ آ مولانا گوہر شاہ ایماندار تا روح انا ثواب کن فاتحہ خوانی کرفے۔
