اسلام آباد۔ 10 مئی (اے پی پی) پاکستان نا مسکوہی وزیراعظم محمد نواز شریف پارینے کہ نیب بھاز انگا معاملہ غاتے ٹی تینا اختیار آتیان گدرینگ انگ ءِ، نیب انا کنڈآن گڑاس ثابت مروئی مسکہ تو اولیکو 10 دے ٹی مسکہ، مشرف نیب ءِ تینا عزم اکن جوڑ کرے، ڈکٹیٹر نا جوڑ کروک آ کانود داسہ بایدے چٹے۔ دافیصلہ نا وخت بسنے کہ جمہوری حکومت آتا جوڑ کروک آ کانود چلینگک یا ڈکٹیٹر آتا جوڑ کروک آ کانود چلینگک۔ محمد نواز شریف پنچ شنبے نادے کمرہ عدالت اٹ میڈیا تون ہیت وگپ کرسا پارے کہ پرویز مشرف نیب ءِ تینا عزم اکن جوڑ کرے، اوپارے کہ وزیراعظم نا کنڈآن چیئرمین نیب انا بابت پارلیمنٹ اٹ ہیت خوش آئند ءِ ، داملک ءِ عجیب ءُ تماشہ اس جوڑ کننگ انگ ءِ، سویلی پنجاپ محاذ نا خلقت نا تحریک انصاف اٹ اوار مننگ نا بارواٹ اسہ سوج اسے نا ورندی ٹی محمد نواز شریف پارے کہ ہرافک اوار مسر او تحریک انصاف تون و الس مسلم لیگ (ن) تون ءِ۔ اوپارے کہ عمران خان نا اسہ ہیت اسے آ ہم بھروسہ کننگ مفک، او انت ءُ سیاست دان اس مروئے ہرانا ہیت آ باور کننگپ۔
