اسلام آباد۔29جون (اے پی پی): صدر آصف علی زرداری ءَ گوشت کہ مرچی میاں اوستمانی پارلیمنٹرین آنی روچ ءِ درگت ءَ ما جمہوریت، آجوئی، شمولیت، برداشت ءُ اقتصادی ءُ چاگردی انصاف ءِ اصول آنی سر ءَ پابند بوھگ ءِ جزم ءَ را نوک کن ایں ۔ صدر ءِ مملکت آصف علی زرداری ءَ وتی پیغام ءِ تہ ءَ میاں اوستمانی پارلیمنٹرین آنی روچ ءِ موہ ءَ کہ (باندا) جمعہ ءِ روچ ءَ برجم دارگ بوھگ ءَ اِنت آئی ءَ گوشت کہ پارلیمنٹ الس ءِ وت واجہیں نمائندہ ءُ ایوان ءِ ارزشت آنی نگہبان اِنت۔ اے راجی سیاسی نظام ءِ یکوئی، شفافیت ءُ احتساب ءِ ضمانت دیگ ءُ درستیں شہری آنی بنیاتی حق ءُ آجوئی آنی رکھینگ ءِ تہ ءَ ھاسیں کردے پیلو کنت۔ موثر قانون سازی ءُ موثر نگرانی ءِ وسیلگ ءَ پارلیمنٹ سرکاری ھزمت ءِ دیم دیگ ءَ را گہتر کنگ، گورننس ءَ را موثر جوڑ کنگ ءُ جمہوری ادارگ آناں مھکم کنگ ءَ کمک کت کنت۔ صدر ءِ مملکت ءِ گوشت کہ اے ھاسیں روچ ءِ من پارلیمنٹ ءِ کوشست آناں ساڑا آں، آ شفاف، شمولیت ئُُ شریکیں گورننس ءِ دیمروئی ءِ واستہ کوشست کنگ ءِ اِنت۔ اے قانون ساز ادارہانی ذمہ واری انت کہ آ جمہوری قدر ءُ قیمتانی رکھینگ ءُ راجی دیمروئی ءِ عمل ءَ را دیم ءَ برگ ءَ انت۔ صدر آصف علی زرداری ءَ گوشت کہ پاکستان ءِ پارلیمنٹ وتی الس ءِ گہبود ءِ واستہ کانود سازی، آوانی ھک ءُ آجوئی ءِ رکھینگ ءُ السی احتساب ءَ را دل یکیمی کنگ ءِ واستہ موثر نگرانی ءَ برجاہ دار ایت۔ بیا اِت یک انچیں پاکستانے جوڑ بہ کن ایں کہ اودا جمہوریت پروش بہ بیت، ادارہ مہکم بہ بنت ءُ ہر شہری ءِ توار گوشدارگ بہ بیت ءُ آئی ءِ عزت ءُ شرف بہ بیت۔
