اسلام آباد۔ 10 مئی (اے پی پی) وزیر مملکت توانائی عابد شیر علی پارے کہ سویلی پنجاپ ناقومی اسمبلی نا باسک آک گدرینگوک آ پنچ سال اٹی ایوان اٹی سویلی پنجاپ صوبہ نا بابت اسہ لوز اس ہم پاتوس ، اگہ پوسکن ءُ صوبہ اس جوڑ مروئی ءِ تو غٹ آن مست صوبہ ہزارہ ءِ بایدے جوڑ کننگے، ہزارہ نا خلقت جان تا نذرانہ تسنو۔ پنچ شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ سویلی پنجاپ نا قومی اسمبلی نا باسک آک پنچ سال اٹی صوبہ سویلی پنجاپ نا بابت قومی اسمبلی نا فلور آ اسہ لوز اس ہم پاتوس ، قرارداد انا اتنگ تو مر انا ہیت اسے او پنچ سال حکومت اٹی گدریفنگ آن پد داسہ مسلم لیگ آن جتا مسنو او ہرا مون اتون سویلی پنجاپ صوبہ نا ہیت ءِ کننگ ءُ۔ وزیر مملکت پارے کہ ہزارہ نا الس صوبہ ہزارہ نا جوڑ کننگ کن تینا جان تا نذرانہ پیش کریر تو ولدا غٹ آن مست صوبہ ہزار ہ ءِ بایدے جوڑ کننگے۔ ہموجاگہ نا خلقت دابابت جہد کرینو ہراغٹ انا مون آٹی ءُ۔
