اسلام آباد۔ 10 مئی (اے پی پی)سینیٹر عثمان کاکڑ پارینے کہ اولیکو دے آن پاننگ اُن کہ نیب مشرف نا باقیات ءِ ہرادے سیاست دان تا برخلاف سیاسی حربہ نا وڑاٹ کاریم اٹ اتنگ انگ ءِ ، غٹ سیاسی جماعت آتے دا اصولی ہیت انا مخ تفی ءِ بایدے کروئی مرے۔ پنچ شنبے نادے داڑے پارلیمنٹ ہاؤس نا پیشن میڈیا تون ہیت وگپ کرسا اوپارے کہ پارلیمنٹ نا کنڈآن بٹنگ انگ نا دروشم اٹ چیئرمین نیب ءِ بایدے بروئی مرے و مسکوہی وزیراعظم ہراتینا جماعت نا سرکڑدہ ہم ارے نا برخلاف بیٹ کروک آ دوبہ غاتا شاہدی تروئی مرے۔ اسہ سوج اسے نا ورندی ٹی اوپارے کہ غٹ سیاسی جماعت آتے اصولی ہیت انا بایدے مخ تفی ءِ کروئی مرے۔ عثمان کاکڑ پارے کہ اسٹیبلشمنٹ گچین کاری تیٹی بایدے نیام تمپ دا الس نا استحقاق ءِ۔
