اسلام آباد۔ 10 مئی (اے پی پی) وزیر مملکت خزانہ رانا محمد افضل پارینے کہ پارلیمنٹ بالادست ءُ ادارہ اسے ، نیب تون اوار غٹ ادارہ غاک پارلیمنٹ ءِ جوابدہ ءُ، مسکوہی وزیراعظم آ بھلو پیسہ اس بھارت آ گدریفنگ نا دوبہ نا بابت نیب انا گام گیج انا ننا مخالف آتون اوار مچ آ ملک انا الس دانا مذمت ءِ کرینے۔ پنچ شنبے نادے داڑے پارلیمنٹ ہاؤس نا پیشن میڈیا تون ہیت وگپ کرسا اوپارے کہ بیدس شاہدی آن مسکوہی وزیراعظم آ دوبہ بیٹ کننگا دا بھاز اہم ءُ ویل اسے ، پارلیمنٹ چیئرمین نیب ءِ بٹنگک تو اوبایدے برے۔ او بریفنگ ایتے و کائے و دوبہ غاتا صحت نا بابت پارلیمنٹ ءِ معلومدار کے۔
