اِراسال اٹی کرپاس نا 40کلو غیر تصدیق شدہ و جعلی بج ہلنگا
اسلام آباد۔ 23دسمبر (اے پی پی) سینیٹئِ پاننگانے کہ گدرینگوک آ اِرا سال اٹی 40 ہزارکلو گرام آن زیات کرپاس نا غیر تصدیق شدہ و جعلی بج ہلنگانے۔ جمعہ آ ایوان بالا نا دیوان اٹی وقفہ سوج آتا وخت سینیٹر احمد حسن و ایلو باسک آتا سوج آتا ورندی ٹی بنجائی وزیر واپار خرم دستگیر خان ایوان ئِ پارے کہ غیر معیاری بج آتا بہاءکننگ ئِ توننگ کن سیڈ انسپکٹر مارکیٹ نا دورہ ئِ کیک و بج بہاکروک آتا چالان ئِ کیک۔ گدرینگوک آ اِرا سال اٹی کرپاس نا بج بہاءکروک آتا برخلاف عدالت آتیٹی 544چالان جمع کرفنگا۔ 2014-15ءٹی کرپاس نا تصدیق شدہ معیاری بج انا دستیابی 20ہزار میٹرک ٹن آن زیات ئس ہراکہ 2015-16ءٹی ودسا 34ہزار 520میٹرک ٹن مس۔ 2016-17ءٹی داودسا 29ہزار 363میٹرک ٹن اسکان رسینگانے۔
