لندن۔ 19 اپریل (اے پی پی) مزن وزیرشاہد خاقان عباسی ءَ دولت مشترکہ ءِ ایندگر سروکیں حکومت ءُُ مملکت ءِ ھمبراھی ءَ پنچ شمبے ءَ برطانیہ ءِ مزن وزیر تھریسامے ءِ نیمگ ءَ داتگیں وش اتکی بھر زوری کت۔ اے مراگش لندن ءِ سینٹ جیمز محل ءَ برجم دارگ بوت۔ اے موہ ءِ سرءَ سیکرٹری جنرل پیٹر یشیا سکاٹ لننڈ ھم تھریسامے ءِ ھمبراھی ءَ ساڑی اَت۔ وش اتکی مراگش ءَ پد توامیں سروکیں ایگزیکٹو سیشنز ءِ واستہ لنکاسٹر ہاوس پُج اِتنت۔ بیست ءُُ پنچمی 25 دولت مشترکہ سروکیں دون ءِ بُن گپ ’’یکجائی آیوکیں باندات ءِ نیمگ‘‘ انت۔ شاہد خاقان عباسی دیوان ءَ ایگزیکٹو سیشنز ءُُ ریٹریٹس آنی تہ ءَ بھر زوری کنگ ءَ انت۔ لنکاسٹر ہاوس ءِ تہ ءَ بوھوکیں ایگزیکٹو سیشنز ءِ تہءَ دولت مشترکہ ملک آنی جوانیں آیوکیں باندات ءِ سرءَ گپ ءُُ تران بیت۔ مزن وزیر ءِ دیوان ءَ بھر زوری پاکستان ءَ استیں موہ آناں سہرا کنگ ءَ کمک دنت ءُُ پاکستان ءَ را بُرز لھڈ جنوکیں منڈی ءِ رنگ ءَ دُگنیا ءِ دیم ءَ آرگ ءِ کمکار بیت۔
