لندن۔ 19 اپریل (اے پی پی) مزن وزیر شاہد خاقان عباسی ءَ گوشت کہ حکومت ءِ پاکستان چم ءِ روک آں چہ زھبرھ بوھگ ءِ نادُراھی ءِ گر ءُُ دار ءِ بابت ءَ کوشست کنگ انت ءُُ اے رد ءَ ھمک رنگ ءِ گامگیج چست کنگ ءِ جزمیگ اِنت ۔ آئی ءَ اے گپ پنچ شمبے ءِ روچءَ ادا دولت ءِ مشترکہ سروکیں مملکت ءِ دیون ءِ موہ ءَ کور بوھگ ءِ بابت ءَ گہبودی گامگیج چست کنوکیں میاں اوستمانی ادارگ ’’پیک وڑن‘‘ ءُُ ’’سی بی ایم‘‘ ءِ گوما دیون ءَ گوشت۔ یات دارگ بہ بیت کہ پیک وڑن چم ءِ دیدوک آنی کور بوھگ ءِ نادُراھی ءِ ھلاسی ءِ واستہ دیمروئی کنوکیں ملک آنھی سمارٹ فون ٹیکنالوجی ءِ کارمردی ءُُ جان سلامتی ءِ بابت ءَ ’’افرادی قوت‘‘ ءِ تربیت ءِ پڑ ءَ یک میاں اوستمانی ادارگ ات، سی بی ایم چم آنی روک ءِ پھریزگ ءِ نیمگ ءَ ھاسیں دلگوشی دیان ءَ یک سد سال ءَ چہ گیش وھد ءَ میاں اوستمانی تک ءَ چم ءِ دیدوک ءَ چہ زھبری ءِ شوبگ ءَ کار کنوکیں میاں اوستمانی گیر سرکاری دیمروئی گل اِت۔
