لندن۔ 19 اپریل (اے پی پی) دولت مشترکہ ءِ 25 بیست ءُُ پنچمی سروکی دیوان پنچ شمبے ءِ روچ ءَ ادا بندات بوت ایشی ءِ تہءَ پاکستان ءِ نماھندگی مزن وزیر شاہد خاقان عباسی کنگ ءَ انت۔ اے رد ءَ پُر مڈاھیں بنگیجی مراگش بکنگھم پیلس ءَ برجم دارگ بوت۔ برطانیہ ءِ ملکہ الزبتھ دوئم ءَ 53 باسکی دولت مشترکہ سروکی دیوان ءِ بنگیج ءِ جار جت۔ اے موہ ءِ سر ءَ گشتانک ءَ ملکہ برطانیہ ءَ بیکیں واھگ ءُُ واھشت آنی درشان کنان ءَ اے دل یکیمی ءِ درشان کت کہ زیات محفوطیں ءُُ وشھالیں دُگنیا آیوکیں پدریچ ءِ ھوالگ ءَ کنگ بیت۔ آئی ءَ امیت سہرا کت کہ دولت ءِ مشترکہ سروکی دیوان 2018ءَ شریکیں سروک آنی لیکہ ءُُ شور ءُُ سلاھ آنی ھیال ریچی کنگ بنت ایشی ءَ 53 باسکی گل ءَ ھواریں کمکی آناں دیمرؤی دیگ ءَ کمک رسیت۔ یات دارگ بہ بیت کہ لندن ءَ 40سال ءَ چہ پد دولت ءِ مشترکہ ءِ دیوان ءَ برجم دارگ بوھگ ءَ انت ایش 2.2 ارب ءَ چہ گیش آباتی ءِ پراھ ءُُ شاھیگانیں گل اِت۔ بنداتی مراگش ءَ پرنس آف ویلز شہزادہ چارلس، برطانیہ ءِ مزن وزیر تھریسامے، دولت ءِ مشترکہ ءِ سیکرٹری جنرل پڑیشاسکاٹ لینڈ ءَ ھم گشتانک دات۔ شہزادہ چارلس ءَ وتی بنداتی گال آنی تہ ءَ اے دل یکیمی ءِ درشان کت کہ سروکیں دیوان دولت ءِ مشترکہ ءِ ملک آناں دیم پہ دیمیں جیڈھ آنی گیواری ءِ نوکیں جزم ءِ گوما باسکیں ملک آنی نیام ءَ ءَ رابطہ آناں ودینگ ءَ کمکار سہرا بیت۔
