سیویل( سپین )۔2جولائی (اے پی پی): وزیر خزانہ سینیٹر محمد اورنگزیب ءَ گوشت کہ پاکستان ءَ ایس ایم ایز ءِ معیشت ءِ تہ ءَ 40درسد ءِ کساس ءَ کمک کنت، برآمدات ءِ تہ ءَ 25درسد ءُ غیر زرعی شوبگ ءَ روزگار ءِ تہ ءَ 78درسد کمک کنت۔ آئی ءَ اے ھیالانی درشانی چار شمبے ءِ روچ ءَ اسپین ءَ دیمروئی ءِ واستہ مالی کمک ءِ ھوالگ ءَ چارمی گلوبل کانفرنس ءِ ساھت ءَ میاں اوستمانی کاروباری فورم ءِ نیمگ ءَ برجم داشتگیں ’’ایس ایم ایز ءِ واستہ مالی وسیلگ آنی تہ ءَ گیشی‘‘ ءِ سر ءَ مزنیں تک ءِ پینل ءِ تران ءَ گوں تران کنان ءَ کت۔ وزیر ءِ ھزانگ ءَ گوں تران کنان ءَ پاکستان ءِ معیشت ءَ ایس ایم ایز ءِ کرد المی لیک اتگ۔ وزیر خزانہ ءَ گوشت کہ پاکستان ءَ ایس ایم ایز معیشت ءِ نزیک ءَ 40درسد، برآمدات ءِ 25درسد، ءُ غیر زرعی شوبگ ءَ 78درسد روزگار ءِ وسیلگ ءَ رسگ ءَ انت، پدا ھم آ نجی شوبگ ءِ کریڈٹ ءِ تہ ءَ ناچیزیں بھر ءِ رسگ ءَ انت کہ اے سک کم انت۔ وزیر ءِ ھزانگ ءَ گوشت کہ حکومت یک ھمگرنچیں پالیشی ءِ چیر دستی ءَ اے جیڈھ آناں گیواری ءِ واستہ کار کنگ ءَ اِنت ایشی ءِ چیر دستی ءَ تاں 2028 ءَ تاں کلیں نجی شوبگ ءِ کریڈٹ ءِ تہ ءَ ایس ایم ای آنی بھر 17درسد ءَ چہ گیش کنگ بیت ءُ ایشی ءَ را دمگ ءِ ایندگر ملک آنی گوما ھمگرنچ کنگ بیت۔ وزیر خزانہ ءَ گوشت کہ کمرشل بینک آناں معیشت، برآمدات، روزگار، زالبول ءُ ورنا آنی ڈیجیٹل شمولیت، ءُ مالیاتی شمولیت ءِ دیمروئی ءِ واستہ اسٹیٹ بینک ءِ وسیلگ ءَ ایس ایم ای فنانسنگ ءَ را گیش کنگ ءِ واستہ دلبڈی دیگ بوھگ ءَ اِنت۔ وزیر ءِ ھزانگ ءَ گیش گوشت کہ مزن وزیر ءِ ورنا، کاروباری ءُ کشت ءُ کشاری وام اسکیم ءِ چیر دستی ءَ ارباں کلدار کریڈٹ گارنٹی ءِ آسراتی پجاری کنگ بوتگ۔ حکومت کسانیں کاروباری ادارگ آناں داتگیں وام آنی سر ءَ 50درسد ءَ تاں ممکنہ تاوان ءِ برداشت کنت۔ وزیر ءِ ھزانگ ءَ گوشت کہ آیوکیں پنچ سال آنی واستہ یک سرجمیں منصوبگ ءِ تیاری ءِ واستہ نیشنل ایس ایم ای پالیسی 2021ءِ نوکیں رنگ ءَ جوڑ کنگ بوھگ ءَ انت۔ ایشی ءِ گوما مارکیٹ ءِ رسائی، ریگولیٹری آسراتی، مشاورتی ازمت ءُ تربیت ءِ پجارینگ ءَ را گہتر کنگ ءِ واستہ اسمیڈا ءَ را ھم مھکم کنگ بوھگ ءَ اِنت۔ وزیر ءِ ھزانگ ءَ گوشت کہ پاکستان ٹیکنالوجی، چاگرد دوست ءُ چاگردی یکجاھیں ایس ایم ای ءِ دیمروئی ءِ واستہ ایندگر دیمروئی کنوکیں ملک آناں چہ سوبمندیں ماڈل ءُ شریک بوھگ ءِ واھشت مند اِنت۔ آئی ءَ کسانیں کاروبار آناں سرجمیں رنگ ءَ کمک کنگ ءُ جوانیں مالیاتی نظام ءِ پھجارینگ ءِ واستہ حکومت ءِ مھکمیں عزم ءِ سر ءَ زور پر دات۔
