مزن وزیر شہباز شریف ءَ میاں اوستمانی تک ءَ امن ، پاکستان ءُ بھارت ءِ نیام ءَ جنگ بندی ءِ تہ ءَ سعودی عرب ءِ ھاسیں کرد ءِ توسیپ

اسلام آباد۔2جولائی (اے پی پی):مزن وزیر محمد شہباز شریف ءَ گوشت کہ میاں اوستمانی تک ءَ امن ءِ واستہ سعودی عرب ءِ کوشست آنی ھوار پاکستان ءُ بھارت ءِ نیام ءَ جنگ بندی ءِ واستہ آئی ءِ ھاسیں کرد ءِ ستا ءَ کنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ سعودی عرب ءِ سفیر نواف بن صدر المالکی ءَ مزن وزیر محمد شہباز شریف ءَ گوں گند ءُ نند کتگ۔ مزن وزیر ءَ دو شریک مسجد ءِ نگہبان شاہ سلمان بن عبدالعزیز السعود ءُ سعودی ولی عہد ءُ مزن وزیر شہزادہ محمد بن سلمان بن عبدالعزیز السعود ءِ واستہ وتی دل ءِ جہلانکی ءِ درشان کت۔ جون ءَ ولی عہد محمد بن سلمان بن عبدالعزیز السعود ءِ گوما وتی گوستگیں گپ ءُ تران ءِ حوالہ ءَ مزن وزیر ءَ میاں اوستمانی تک ءَ امن ءِ واستہ سعودی عرب ءِ کوشست آنی ھوار پاکستان ءُ بھارت ءِ نیام ءَ جنگ بندی ءِ دلالی ءِ تہ ءَ آئی ءِ ھاسیں کرد ءِ توسیپ کت۔ مزن وزیر ءَ گوشت کہ پاکستان ءَ جولائی ءِ ماہ ءِ واستہ اقوام متحدہ ءِ سلامتی کونسل ءِ صدر ءِ اگدہ وتی دست ءَ گپتگ ءُ سعودی عرب ءِ کمک ءَ اے وھد ءَ گوازینگ ءِ جزم ءِ درشان کتگ۔ سعودی سفیر ءَ دمگ ءَ امن ءُ ایمنی ءِ دیمروئی ءِ تہ ءَ پاکستان ءِ کرد ءِ سر ءَ مزن وزیر ءِ منت گپت۔