اسلام آباد ۔ 26 مارچ (اے پی پی) مزن وزیر شاہد خاقان عباسی ءَ گوشت کہ پاکستان ءَ مزنیں اقتصادی گہبودی حاصل کتگ ءُُ امن ءُُ ایمنی ءِ جاورھال ءِ تہ گہتری اتکگ چہ ایشی ءِ آسر ءَ ملک ءَ زرکاری ءِ ھاترا ھندی ءُُ درملکی زرکارانی اعتماد ءَ ودکی اتکگ انت۔آہاں اے گپ مٹسوبشی کارپوریشن ءِ کلائیں نائب صدر ءِ گوما گپ ءُُ تران کنان ءَ گوشت انت آہاں کہ ڈلے ہمبراہی ءَ مزن وزیر کارگس ءَ گند ءُُ نند کتگ۔ مٹسوبشی کارپوریشن ءُُ ڈائمنڈ گیس انٹرنیشنل پرائیویٹ لمیٹڈ ءِ ڈل ءِ مستری مٹسوبشی کارپوریشن ءِ کلائیں نائب صدر کی می ہیدی اینڈو ءَ کتگ۔اے درگت ءَ مزن وزیر ءِ حاسیں کمکار علی جہانگیر صدیقی ءُُ کلائیں سرکاری واکدار ھم ساڑی اتنت۔مزن وزیر ءَ پاکستان ءِ تہ مٹسوبشی کارپوریشن ءِ متنوع زرکاری ءَ را ساڑاتگ۔آہاں ڈل ءَ سرپد کت کہ حکومت ءَ ملک ءَ را دیما ھاٹیگ ءِ جیڈھ ءِ گیش ءُُ گیواری ءِ ھاترا لہتیں مزنیں ھاٹیگ ءِ منصوبگ بناء کتگ انت۔ کی می ہیدی اینڈو ءَ پاکستانءِ تہ مٹسوبشی کارپوریشن ءِ کاراں پہ پاکستان ءِ نیمگا چہ داتگیں کمک ءِ سرا منت ادا کنان ءَ ھاٹیگ ءِ منصوبگ ءَ زرکاری ءَ را گیش پراھ کنگ ءِ واھشت پدر کتگ۔ادا ءِ گپ باز ارزشت دار انت کہ مٹسوبشی جاپان ءِ درستاں چہ مستریں بیئپاری کمپنیاں چہ یک انت ءُُ ایشی ءِ پجار انفراسٹرکچر ڈویلپمنٹ، لاجسٹکس،ھاٹیگ، دھاتاں، مشینری، کمیکلز، گسی چیزانی تیاری کنوکیں دگنیا ءِ نامداریں کمپنیاں انت۔ مٹسوبیشی کارپوریشن ءِ پاکستان ءِ تہ لہتیں منصوبگ جاڑی انت ءُُ اے پاکستان ءِ سیمی ایل این جی ٹرمینل ھم جوڈ کنگ انت۔
