اسلام آباد۔ 22مارچ (اے پی پی) سال 2017 ء ٹی نجی بشخ ءِ تروک آ وام تا کچ اٹی 16.4 درسد نا ودکی مسنے۔ اسٹیٹ بینک آف پاکستان نا رپورٹ نا رداٹ 31 دسمبر 2017 ء آ چٹوک آ سہ ماہی ٹی نجی بشخ ءِ وام تا فراوانی ٹی 7.3 درسد نا ودکی ریکارڈ کننگانے۔ رپورٹ نا رداٹ گدرینگوک آ سال 2017 ء ٹی ٹیکسٹائلز و سیمنٹ نا بشخ آتے وام تا فراوانی ٹی ودکی مسنے وخت اس کہ کیمیکلز و ادویہ سازی نا صنعت نا کنڈآن وام تا پدی تننگ اٹ ودکی ریکارڈ کننگانے۔ رپورٹ نار داٹ 31 دسمبر 2017 ء آ چٹوک آ سہ ماہی ٹی نجی بشخ ءِ جاری کروک وام تیان نان پرفارمنگ لون تا کچ 8.4 درسد ریکارڈ کننگانے۔
