فرانسءَ گوں علمی،ادبی ءُُ دودءُُ ربیدگی سیادی ءَ را ودکی دیگ بیت، عرفان صدیقی
اسلام آباد ۔ 6 مارچ (اے پی پی) فرانس پاکستانءِ تہ کوھنیں تہذیبی آثار ءُُ دمگانی رکھگ ءُُ سیل کنگ ءِ فنی زانتکاری پھجارایت وھدیکہ علم ءُُ ادب ءُُ ازم ءُُ ربیدگی تک ءَ ھم دوئیں ملک وت مہ وتی رھوت گیش کن انت۔اے گپ ءَ تپاکی پاکستان ءِ تہ داشتگیں فرانس ءِ سفیر مارک بریٹے ءُُ راجی راجدپتر ءُُ لبزانک ءِ ورثہ ءِ ھاترا مزن وزیر ءِ صلاحکار عرفان صدیقی ءِ نیام ءَ گند ءُُ نند ءَ بوتگ۔فرانس ءِ سفیر ءَ مزن وزیر ءِ صلاحکار ءِ گوما راجی راجدپتر ءُُ لبزانکی مڈی ڈویژن ءِ تہ سئے شمبے ءَ گند ءُُ نند کتگ۔گند ءُُ نند ءَ دونیمگی اندوہناکی ءِ کارآنی سرا ھیال ریچی بوتگ۔ عرفان صدیقی ءَ حکومت فرانسءِ پاکستان ءِ تہ راجدپتری دمگاں ، مہر گڑھءِ ھوار کوھنیں تہذیب آنی ھیال داری کنگ ءِ تہ کمک ءِ ستا قرار دات ءُُ گوشت کہ پیسریگیں 60سال ءِ ساعت ءَ فرانس ءِ آرکیالوجی شوبگ ءِ تہ پاکستان ءَ گوں ھمراداری کت۔آہاں گوشت کہ فرانس ءَ رااے شوبگ ءَ وش آھت کناں،عرفان صدیقی ءَ گوشت کہ فرانس ءِ نیمگا چہ مئے زانتکار ءِ راھبندءَ چہ آہانی بود ءَ ودکی کئیت۔ مزن وزیر ءِ صلاحکار ءَ گوشت کہ پاکستان دود ءُُ ربیدگی ءُُ راجدپتری مڈی ءَ چہ مالا مال انت ،دگنیا ءِ کوھنیں تہذیبانی امین انت ۔مہ دگنیا ءَ را اے قیمتی راجدپتری مڈی ءَ چہ روژناء کنائنگ ءِ ھوالہ ھم گامگیج کنگ انت۔آہاں گوشت کہ فرانسیسی ادب ءِ گہتریں کتاب ءَ اردو ءَ ٹرانسلیٹ کنائینگ بنت۔ فرانس ءِ سفیرمارک بریٹےءَ مزن وزیر ءِ صلاحکار عرفان صدیقی ءِ علم ءُُ زانت ءَ ودکی ءِ ھاترا کوشست ءَ را ساٖڑاتگ ءُُ گوشت کہ فرانس اے مڈی ءِ سیل کنگ ءِ ھاترا سرجم کمک کنت۔گند ءُُ نند ءَ فرانس ءِ کونصلر برائے کمک ءُُ ربیدگی امور آندرے ڈی باسی ،ڈپٹی قونصلر اولیور ہائن وین،راجی راجدپترءُُ لبزانک مڈی ڈویژن ءِ جوائنٹ سیکریٹری سید جنید اخلاق ءُُ نیشنل بک فاؤنڈیشن ءِ ایم ڈی ڈاکٹر انعام الحق جاوید ھم ساڑی اتنت
