اسلام آباد۔06مارچ(اے پی پی ) ملکءِ صدر ممنون حسین ءَ گشتگ کہ ورناھ ءُ نودربر انی راجی دیمروئی ءِ تہا کرد سک باز ھاس اِنت ءُ آ باندات ءِ جیڑھءُ جنجالاں گوں دیم پہ دیم بوھگءَ وتءَ تیار بہ کن اَنت ، اے ھات رءَ المی اِنت کہ آ جدید دنیاءُ نوکیں چاگردی ، سیاسی ءُ معاشی لوٹاں سرپد بوھگءِ ھاترءَ گیشاں چہ گیش بوھان اَنت۔ اے ھیالانی درشانی آئیءَ سئے شمبے ءِ روچءَ کیڈٹ کالج حسن ابدال ءِ نودربرانی گوما گپءُ تران کنانءَ کتگ ۔ ملک ءِ صدر ممنون حسین ءَ گشتگ کہ راجی دیمروئی اے رنگءَ بوت کنت اگاں نودربر ءُ ورناھیں نسل وتی زانت کاری ءَ ندر بہ کن اَنت۔ آئیءَ سائنس ءِ تعلیم ءِ سرءَ زور پِرداتگءُ گشتگ کہ اے دورءِ ھاسیں ضلورت اِت چیا کہ آؤکیں وھدسائنسی دیمروئی ءُ ساچست ءِ زمانگ بیت۔ آئیءَ گیش گشتگ کہ ایشی ءِ گوما سوشل سائنسز ءِ سرھالانی سرءَ ھم دلگوشی کنگ لوٹ ایت۔ وتی دودءُ ربیدگانی پلگارگ، ھاس شعرءُ لبزانک ءِ دیمءَ برگ ھم مئے دلگوشیانی تہا ھوار بہ بنت۔ آئی ءَ اے وشی ءِ درشانی کتگ کہ کیڈٹ کالج حسن ابدال علمی ءُ عملی سُرءُ پرانی تہا سرجم ءَ بھر زورگءَ اِنت۔ آئیءَ اے اُمیت ءِ درشانی کتگ کہ نودربر اناں جوانیں سُرءُ پر آں چہ عملی زندءِ لوٹاں گہتر سرپد بوھگءِ موھ رسیت۔
