اسلام آباد ۔ 6 مارچ (اے پی پی) مزن وزیر ءِ صلاحکار برائے گوات بازی سردار مہتاب احمد خان ءَ پی آئی ایانجینئرنگ ءِ شوبگ ءِ مینٹیننس بود گیش کنگ ءِ عمل ءَ را ساڑاتگ ءُُ گوشت کہ پی آئی اے ءِ پنچ سالی پلان ءِ تہ یکجاھیں تاوان ھلاس کنگ ءُُ پی آئی اے ءَ را راجی ءُُ میاں اوستمانی تبک ءَ براگ ھاترا وتی سرجمیں بود ءُُ وسیلگ کارمرز کنت‘ پی آئی اے انجنیئرنگ تک ءَ کراچی ءِ پدا اسلام آباد ءَ ھم مزنیں گراباں پہ(چیک اے) ءِ بودزراتگ انت‘ پی آئی اےءِ ابید دگہ ایئرلائن ءِ گرابانی چیک اے کنان ءَ یک سال ءَ پی آئی اے انجینئرنگ ءَ یک ارب کلدار آمدن زراتگ انت، بنجاہی کابینہ ءِ پیسلہ ءِ روژنی ءَ پی آئی اے ءِ ری سٹرکچرنگ کنان ءَ بنیاتی ءُُ دربنیاتی کارآنی تک ءَ را جتا کنگ بوتگ۔پی آئی اے انوں ویٹ لیز ءِ سرا گراب نہ زورایت‘لانگ لیز ءِ سرا یک 777بوئنگ گراب ءِ گرگ انت۔یکجاھیں وڈ ءَ 32گراب پی آئی اے ءِ بوجیگ ءَ ھوار انت۔آں سئے شمبے ءَ بے نظیر بھٹو انٹر نیشنل ایئر پورٹ اسلام آباد ءَ پی آئی اے ءِ انجینئرنگ ءِ شوبگ ءِ بود گیش کنگ ءِ بنجاہی مراگش ءَ گوں گوشتانک ءِ ساعت ءَ اھوالکاراں گوں گپ ءُُ تران کنگ اتنت۔سیکرٹری ایوی ایشن ڈویژن عرفان الہی ‘چیف ایگزیکٹو آفیسر پی آئی اے مشرف رسول ‘چیف ٹیکنیکل آفیسر عامر علی ءِ ھوار پی آئی اےءُُ ایوی ایشن اتھارٹیءِ مزن تکے واکدار ھم ساڑی اتنت،سردار مہتاب احمد خانءَ گوشت کہ اولی بار ءَ پی آئی اے ءِ انجنیئرنگ شوبگ ءَ درملکی ایئرلائنز ءِ گرابانی کار کت یک ارب پائدگ زراتگ ‘2017-18ءِ تہ اے ھوالہ ءَ آمدن ءِ نشان 1.4ارب ایر کنگ بوتگ۔آہاں گوشت کہ اولی رند ءَ پی آئی اے ءِ ناکارہ گراب ءِ انجن ءَ راھبند ءِ ردا بہا دات کمو گیش 400ملین کلدار نپ زراتگ انت
