پاکستان ءَ ایچ صنعتی پڑءِ سرءَ کاربن ٹیکس جنگ نہ بوتگ
موسمیاتی مٹءُ بدلی ءِ وزیر سینیٹر مشاہد اللہ خانءِ ایوان بالا ءَ پسو
اسلام آباد۔22فروری (اے پی پی ) ایوان بالا ءَ را ھال دیئگ بوتگ کہ پاکستان ءِ تہا ایچ صنعتی پڑءَ را کاربن ٹیکس جنگ نہ بوتگءُ نہ اے ھوالگءَ چہ چارءُ بچار کنگ بوتگ۔ پنچ شمبے ءِ روچءَ ایوان بالاءَ را ھال دیئگ بوتگ کہ سینیٹر ڈاکٹر جہانزیب جمالدینی ءِ جستءِ پسوءَ موسمیاتی مٹءُ بدلی ءِ وزیر سینیٹر مشاہداللہ خان ءَ ھال داتگ کہ کاربن ءِ نیاد انی چارءُ تپاسی ءِ ھاترءَ اقوام متحدہ فریم ورک کنونشن آن کائمٹ چینجءِ کمک ءَ گوں وزارت موسمیاتی مٹءُ بدلی ءِ یک مطالعہ ءِ بنداتءَ کنتءُ چارءُ تپاسی کنگ بیت کہ کاربن ءِ سرءَ اے وڈیں ٹیکس شر اِنت یا نہ ۔
