اسلام آباد۔ 16دسمبر (اے پی پی) چین پاکستان اقتصادی راہداری ڈٹ (سی پیک) نا بناءآن بروک آ اِرا سال انا وخت 23لکھ 20 ہزار بندغ ئِ روزگار ملک ہراڑآن بے روزگاری نا کچ ئِ کم کننگ اٹی کمک دوئی مریک۔ چیف اکانومسٹ پاکستان ڈاکٹر ندیم جاوید پارینے کہ سال 2017-18ءنا وخت بے روزگار افرادی واک اٹی 2.32ملین نا کمتی واقع مریک۔ اوپارے کہ جولائی 2017ءاسکان ملک اٹی توانائی نا طلب و رسد اٹی ساڑی پرخ چٹک انتئے کہ سی پیک بنداوی وڑاٹ سویلی ایشیانا ملک آتا تین پہ تینی رابطہ غاتا پروگرام ئِ ہرانا رداٹ توانائی نا ویل آتاہم مون ئِ توننگک۔ اوپارے کہ سال 2018ءاسکان ملک اٹی بجلی نا پیداوار ہندی گرج آتیان ودنگ نا اومیت ئِ ڈاکٹر ندیم جاوید پارے کہ سی پیک نا پوروی آن نہ صرف پاکستان نا اقتصادی شونداری نا مون آ دننگ اٹی کمک ملک بلکن داڑآن ڈیہہ نا ایلو ملک آتا واپاری سرجزآتیٹی ہم ودکی مریک و نیزگاری نا چٹفنگ اٹی کمک ملک۔
