دیامر بھاشا ڈیم انا جوڑ جاڑ نا ڈٹ آ 2017ءٹی کاریم نا بناءکننگک
اسلام آباد۔ 16دسمبر (اے پی پی) وزیر مملکت دیر و بجلی عابد شیر علی پارینے کہ ننا حکومت نا اولین کوشست ئِ کہ ہڑزان بجلی ودی کننگے، دا چرجوئی ٹی عملی وڑاٹ حکومت دیامربھاشاڈیم نا جوڑ جاڑ کن پیش رفت کرینے، داڈٹ آ 2017ءٹی کاریم نا بناءکننگک۔ حکومت ہڑزان بجلی ودی کننگ نا غٹ غیر متنازعہ پن بجلی نا ڈٹ آتیا کاریم ئِ پورو کیک۔ جمعہ آ قومی اسمبلی نا دیوان اٹی وقفہ سوج آتا وخت وزیرمملکت دیر و بجلی عابد شیرعلی قومی اسمبلی ئِ پارے کہ ننا کوشست ئِ کہ بجلی نا پیداواری خڑچ ئِ کم کرسا ہڑزان بجلی فراوان کین۔ ہڑزان بجلی ودی کننگ نا ہراڈٹ آتیا کاریم برجائِ اوفتا پوروی آن گڈ بجلی نا نرخ آک پین کم مریرہ۔ عائشہ سید نا سوج انا ورندی ٹی عابد شیر علی پارے کہ 2017ءٹی دیامربھاشاڈیم آکاریم نا بناءکننگک۔ پرویز مشرف تون اوار ماضی ٹی حکومت آک صرف پن نا تختی خلنگ آ اکتفا کریر۔ نن عملی وڑاٹ داڈٹ آتیا پیش رفت کرینن۔ اسہ پین سوج اسے نا ورندی ٹی اوپارے کہ دریانا بہاﺅ آ 50میگاواٹ اسکان بجلی صوبہ غاک تینٹ ہم جوڑ کننگ کیرہ۔ حکومت بھلا ڈٹ آتیا کاریم کننگ ئِ۔ غیر متنازعہ ڈٹ آتیا کاریم برجائِ۔ دیامربھاشاڈیم ملک انا بھلو حد اسسکان گرج آتے پورو کیک۔
