اسلام آباد۔ 05دسمبر (اے پی پی) وزارت ڈٹ بندی و شونداری اینخو مالی سال انا زرکاری بشخ انا شونداری پروگرام آتیٹی کیڈ ڈویژن نا شونداری ڈٹ آتے کن جم وڑاٹ 84کروڑ، 43لکھ روپئی آن زیات نا فنڈ جاری کرینے۔ حکومت اینخو مالی سال انا وخت کیڈ ڈویژن نا شونداری پروگرام آتے کن 2ارب 56کروڑ روپئی نا فنڈ جتا کرینے۔ پلاننگ کمیشن نا برجاءکروک حساب وکتاب نا رداٹ حکومت پرائم منسٹر ایجوکیشن و ریفارمز کن 1کروڑ، 35لکھ، نیشنل ایجوکیشن سینٹر کن 80لکھ، ہوم اکنامکس کالج کن 5کروڑ 88لکھ، پمز اٹی ریڈیالوجی ڈیپارٹمنٹ نا اپ گریڈیشن کن 5کروڑ 97لکھ، اسلام آباداٹی فیملی سویٹس و سرکاری ملازم آتے ہنکین نا جوڑ جاڑ کن 50کروڑ روپئی نا فنڈ جاری کرینے۔
