اسلام آباد۔ 05دسمبر(اے پی پی)دہشت گرد آتا برخلاف جاری آپریشن ضرب عضب اٹی زہمی مروک آ قطبی وزیرستان نا بے اُرا بندغ آتا پدی ہِننگ نا مسٹ میکو مرحلہ ٹی تقریباََ 60ہزار خاہوت پدی تینا علاقہ غاتیا رسینگانو۔ قطبی وزیرستان نا بے اُرا بندغ آتا کوآرڈینیٹر سینیٹر عزیز داوڑدوشنبے آ اے پی پی تون ہیت وگپ کرسا پارے کہ قطبی وزیرستان نا بے اُرا بندغ آتا پدی ہِننگ نا مسٹ میکومرحلہ جاری ئِ و داوخت اسکان 60ہزار خاہوت پدی تینا علاقہ غاتیا رسینگانو۔ پدی ہنوک آ بندغ آتے زونگ سم انا کمک اٹ بیستئُ پنچ ہزار روپئی نقد امداد و10ہزار روپئی کرایہ نا مد اٹی تننگ انگ ئِ۔ عزیز داوڑ نا رداٹ پدی ہنوک آ بے اُرا بندغ آتا تینا باوہ پیر وہی علاقہ غاتیٹی اُراک بھس ئُ وخت اس کہ اوفتے عارضی ہنکین کن مشکلات آتون مون تروکی ئِ و بے اُرا بندغ آتون عارضی ہنکین کن تمبو افک دارداٹ دمدستی گام گیج کننگ نا گرج ئِ۔
