اسلام آباد۔ 01دسمبر (اے پی پی) آپریشن ضرب عضب اٹی زہمی مروک آ قطبی وزیرستان ، سویلی وزیرستان نا 6ہزار 838 بے اُرا بندغ آتیٹی ہند آتا دُوارہ جوڑ جاڑ کن 2ارب 29 کروڑ 44لکھ روپئی معاوضہ بشخ وپانٹ کننگا، فاٹا کمامدارآتارداٹ بنجائی حکومت نا کنڈآن آپریشن ضرب عضب اٹی زہمی مروک آ بے اُرا بندغ آتے ہند آتا معاوضہ غاتے کن سروے جاری ئِ قطبی و سویلی وزیرستان داوخت اسکان 5ہزار ہند آتے پوروی وڑاٹ بھس گوندنگانے وخت اس کہ 1ہزار 838 ہند آتے جزوی وڑاٹ نسخان رسینگانے۔ کمامدارآتارداٹ پوروی وڑاٹ بھس مروک آ اُراتا مالک آتے 4لکھ روپئی وخت اس کہ جزوی وڑاٹ زہمی مروک آاُراتا مالک آتے 1لکھ 60ہزار روپئی معاوضة تننگ انگ ئِ۔ کمامدارآتارداٹ داوخت اسکان قطبی و سویلی وزیرستان نا 6ہزار 838 اُراتا مالک آتیٹی 2ارب29کروڑ 44لکھ روپئی معاوضہ جات بشخ و پانٹ کننگانے۔ کمامدارآتارداٹ آپریشن ضرب عضب آن زہمی مروک آ ایلو علاقہ غاتیٹی ہم سروے ٹیمک ہند آتا سروے نا تینا رپورٹ ئِ مرتب کننگ ئِ۔
