ایندھن ءِ نرخانی تہ ءَ کمی ءِ آسراتی ءَ را لس مردم جام کمال خان ءَ سر کنگ ءِ ھاترا فول پروف میکانزم المی اِنت

اسلام آباد۔20جون  (اے پی پی): وفاقی وزیر برائے تجارت جام کمال خان ءَ گوشت کہ نوکیں ٹیکنالوجی ءِ سر ءَ بنیات ءِ سر ءَ یک فعالیں میکانزم ءِ ضلورت اِنت تانکہ پٹرولیم ءِ چیز آنی نرخ آنی تہ ءَ کمی ءِ اثر آناں مشترکہ دکان ءُ روچ ءِ ضلورت آنی تہ ءَ سر کنگ بہ بیت تانکہ الس ءَ را ترندیں ریلیف پجارینگ بہ بیت۔ انچو کہ ہوائی ءُ ٹرین ءِ سفر ءِ وڑیں مزنیں شعبہ آنی تہ ءَ کرایہ ءِ تہ ءَ ترندیں کمی بوتگ، اے دمگی انتظامیہ ءِ ذمہ واری اِنت کہ آ مشترکہ مارکیٹ آنی تہ ءَ نرخ آنی سر ءَ کنٹرول بہ کنت، البت کاروباری برادری ءَ را ھم نرخ آنی تہ ءَ ایڈجسٹ کنگ ءِ واستہ لہتیں وھد ءِ ضلورت اِنت۔ پارلیمنٹ گس ءِ درگت ءَ میڈیا ءَ گوں تران کنان ءَ وفاقی وزیر برائے تجارت جام کمال خان ءَ گوشت کہ مرچیگیں دور ءَ ہائی ٹیکنالوجی ءِ کمک ءَ یک سکیں سادہ ءُ موثریں نظام ءِ سر ءَ عمل کنگ بوت کنت کہ ایشی ءِ تہ ءَ مشترکہ دکان آنی تہ ءَ سامان آنی بہا آنی سر ءَ نگرانی کنگ بیت ءُ بوت کنت کہ صوبائی حکومت ھم اے پڑ ءَ کار کنگ ءَ اَنت۔ السی شکایت آنی حوالہ ءَ آئی ءَ گوشت کہ الس مدام یک انچیں نظام ءِ لوٹ ایت کہ ایندھن ءِ ارزان بوھگ ءَ گوں نرخ آنی ترندیں عملدرآمد ءَ را دل یکیمی کنگ بہ بیت۔ جام کمال خان ءَ تاجر ءُ مارکیٹ ءِ راجمان ءِ رھبندانی سر ءَ گپ ءُ تران کنان ءَ اے گپ ھم پدر کت کہ وھدے دکاندار یا سپلائر 15 ءَ بگر داں 20 روچ ءَ گرانیں ایندھن ءِ زرت کنت ءُ چیز جوڑ کنت یا ٹرانسپورٹ کنت گڑا پٹرول ءِ نھاد ءِ تہ ءَ یک روچے ءِ اناگہ ءَ کمی ءِ سبب ءَ آئی ءِ ھرچ ءُ درچ ءِ ھساب ءَ زوت ھلاس نہ بیت۔ ھما کہ گْوستگیں دو ءُ سئے ھپتگاں گرانیں تیل ءِ سر ءَ سامان آرگ یا بہا کنگ ءَ اَنت آ دومی روچ ءَ نھاداں کم کنگ ءِ وس ءَ نہ کن اَنت ءُ اے بدلی ءَ کنگ ءَ آھاں یقیںن ءَ لہتیں وھد لگ اِیت۔ آئی ءَ زور پر دات کہ اے سرجمیں عمل ءِ ھمگرنچ کنگ ءِ واستہ یک دائمی میکانزم ءِ ھست بوھگ المی اِنت کہ ایشی ءِ سر ءَ کم کم ءَ کار کنگ بوھگ ءَ اِنت بلے ایشی ءَ را گیش ترند کنگ لوٹ اِیت۔