بلوچستان ءِ نوکیں بجٹ ءِ تہ ءَ وانگ ءُ زانگ ءُ جان سلامتی ءِ پڑ ءِ واستہ ریکارڈ فنڈز  گیشینگ بوتگ

اسلام آباد۔20جون  (اے پی پی): بلوچستان ءَ سرکاری آسراتی آناں گہتر کنگ ءِ حکومت ءِ جزم عملی گامگیج آنی تہ ءَ بدل کنگ بوتگ۔ بلوچستان ءِ گوستگیں بجٹ ءَ وانگ ءُ زانگ ءُ جان سلامتی ءِ شوبگ ءِ واستہ ریکارڈ فنڈز ایر کنگ بوتگ ۔ بجٹ ءِ دستاویزات ءِ رد ءَ پنجاب ءَ 127.6ملین ءَ چہ گیش آبادی ءِ واستہ 750ارب کلدار ءِ وانگ ءُ زانگ ءِ بجٹ ایر کنگ بوتگ کہ ایشی ءِ کساس 5873 کلدار فی مردم اِنت۔ بلوچستان ءَ 14.8 ملین ءَ چہ گیش آبادی ءِ واستہ 144ارب کلدار ءِ وانگ ءُ زانگ ءِ بجٹ ایر کنگ بوتگ کہ ایشی ءِ کساس یک مردمے 9668 کلدار اِنت۔ بجٹ دستاویز ءِ رد ءَ پنجاب ءَ 127.6 ملین ءَ چہ گیش آبادی ءِ واستہ 500ارب کلدار ءِ جان سلامتی ءِ بجٹ ایر کنگ بوتگ کہ ایشی ءِ کساس 3915 کلدار یک مردمے ءِ اِنت۔ بلوچستان ءَ 14.8ملین ءَ چہ گیش آبادی ءِ واستہ 96ارب کلدار ءِ جان سلامتی ءِ بجٹ ایر کنگ بوتگ کہ ایشی ءِ کساس یک مردمے 6445ارب کلدار اِنت۔ بلوچستان ءِ دگہ صوبہانی مقابلہ ءَ جان سلامتی ءُ وانگ ءُ زانگ ءِ ھاتر ءَ بجٹ ءِ ھرچ ءُ درچ ءِ ریکارڈ صوبائی حکومت ءِ راجی وشھالی ءِ ھاتر ءَ جزم ءِ پدریں گواہ اِنت۔