قومی اسمبلی ءِ بجٹ ءَ 5ارب کلدار ءِ راجدپتری بچت پارلیمنٹ ءِ باسک ءُ سیکرٹریٹ ءِ کارندہ اسپیکر سردار ایاز صادق ءِ کمک ءَ ممکن بوتگ

اسلام آباد۔20جون  (اے پی پی): راجی اسمبلی ءِ اسپیکر سردار ایاز صادق ءَ گوشت کہ اسمبلی سیکرٹریٹ ءِ کارندہ آنی ھوار حکومت ءُ پارلیمنٹ ءِ اپوزیشن ءِ باسک آنی کلیدی کرد ءُ سرجمیں کمک ءِ سبب ءَ راجی اسمبلی ءِ بجٹ ءَ 5ارب کلدار ءِ راجدپتری بچت ممکن بوتگ۔ راجی اسمبلی ءَ 27-2026ءِ بجٹ سیشن ءِ ساھت ءَ عمومی بحث ءِ آسر کنگ ءِ موہ ءَ وتی گشتانک ءِ تہ ءَ اسپیکر سردار ایاز صادق ءَ وزیر ءِ ھزانگ ءِ شگر ءُ منت گپت ءُ ایوان ءَ را اے ھاسیں کامیابی ءِ تفصیل آنی بابت ءَ سرپد کت۔ آئی ءَ اے گپ ءِ پدرائی کت کہ اے ٹارگٹ ءِ سرجم کنگ ءِ ھاترا محترمیں باسک آنی کمک، شرپ ءُ کمک ءِ ھست نہ بوھگ ءَ چہ نا ممکن اِنت۔ اسپیکر راجی اسمبلی ءَ وتی گشتانک ءِ تہ ءَ گوشت کہ اے بچت ءِ مہم ءِ تہ ءَ حکومت ءُ اپوزیشن ءِ دوئیں باسک آنی نیمگ ءَ چہ وتی جوانیں ءُ کلیدی کرد پیلو کنگ بوتگ بلے راجی اسمبلی ءِ کارندہ آنی مخلصیں کوشست آنی ھم یک وڑیں کرد پیلو کتگ۔ آئی ءَ درستیں شریک آنی کارکردگی ءِ توسیپ کت، ایشی ءِ سر ءَ ایوان ءَ ھواریں باسک آناں اے راجدپتری گامگیج ءِ حمایت ءَ دست ءِ ٹپّ جت ءُ وتی وشی ءِ درشان کت۔