مزن وزیر شہباز شریف ءَ بنوںں تراک ءَ را تچکیں مذمت کتگ، گران بھائیں جانانی بیرانی ءِ سر ءَ دلپدردی ءُ اپسوز ءِ درشان

اسلام آباد۔20جون  (اے پی پی): مزن وزیر محمد شہباز شریف ءَ بنوں تراک ءِ تک ءَ مذمت کتگ ءُ گران بھائیں جینانی بیرانی ءِ سر ءَ سکیں دلپدردی ءُ اپسوز ءِ درشانی کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ تراک ءَ شہید بوتگیں مردمانی مزنیں رند ، غم ءِ آماچیں کھول آنی واستہ صبر ءُ ٹپیگ آنی ترندیں ءُ سرجمیں جان سلامتی ءِ دعا کتگ ءُ سیادی داروکیں ادارگ آناں پنت ءُ شون کتگ کہ آ وئیل ءِ پٹ ءُ پول ءَ را درستیں ممکنہ طبی آسراتی ءِ پھجارینگ ءَ بہ کن اَنت۔ آئی ءَ گوشت کہ ناشرکاری پاکستان ءِ انسانیت، امن ءُ ایمنی ءِ ھلاپ ءَ یک زھرناکیں پندل ءِ انت، اے وڑیں بزدلییں کار کدی ھم راج ءِ جزم ءَ را لگڑ دات نہ کن انت۔ مزن وزیر ئَ گوشت کہ ناشرکار ئُُ آوانی آسراتی دیوک آناں کانود ئِ سرجمیں حد ئَ کیس ئِ دیم ئَ آرگ ئُُ سزا دیگ بیت، ریاست ناشرکاری ئِ سرجمی ئَ ھلاس کنگ ئِ جزمیگ اِنت۔ آئی ءَ گوشت کہ شہید آنی مزنیں قربانی سرجمیں راج ءِ امانت انت، ایشانی ھون کدی ھم بے سوب نہ بنت۔ ما ایشی ءَ بے سوب ءَ یلہ نہ دئیں، داں ناشرکاری ءِ آفت سرجمی ءَ ھلاس کنگ مہ بیت مئے جھد برجاہ مان ایت۔