اسلام آباد۔ 30 نومبر (اے پی پی) مزن وزیر محمد نواز شریف ئَ پاک چین اقتصادی راہداری ئِ اِرزشت ئَ ارا بالا کنان ئَ گوشت کہ سی پیک پاکستان ئِ معاشی بزاں زرکاری ئِ ھاترا یک جوانیں گام اِت ئُُ ایش ھاسیں رنگ ئَ اِے پڑ ئِ ھاترا سک باز اِرزشتیگ اِنت۔ سی پیک منصوبگ آنی سرجمی ئِ ھاترا مئے جاڑیگیں پاکستان ئِ گہبودی ئُُ اقتصادی رپک ئَ را یکبر ئَ مٹ کن اَنت۔ آئی ئَ اے گپ چار شمبے ئِ روچ ئَ مزن وزیر گس ئَ سی پیک ئِ دیمروئی ئِ کارآنی بابت ئَ چار ئُُ تپاسی گران ئَ دیوان ئِ پاگواجئی ئَ کنگ ئَ اَت۔ آئی ئَ اے ساھت ئَ گوشت کہ ھاٹیگ، ٹرانسپورٹ، بنیاتی کوکا ئُُ صنعت ئِ پڑ ئَ منصوبگ آنی سرجمی المی اِنت ئُُ ایش گیشینتگیں وھد ئُُ پاس ئَ سرجم بہ بنت۔ اے بابت ئَ ھم گیشاں چہ گیش چار ئُُ تپاس بہ بیت کہ زوتاں چہ زوت نپ ئُُ سیت لس مھلوک ئَ بہ رسیت۔ وھدیکہ گوادر ئِ دکہ ئِ سر ئَ گہبودی ئُُ چاگردی آسراتی آنی سرئَ مئے ھاسیں دلگوشی ھم اَست اِنت۔ وھد ئِ 2013ئَ مزن وزیر سیٹ ئِ سر ئَ اتک گڈا پاکستان ئَ سک باز جیڈھ است اَتاں، پدا ھم مسلم لیگ ن ئَ بازیں جُھد ئُُ کوشست ئَ پد پاکستان ئِ اُلس ئِ وشھالی ئِ ھاترا جوانیں گامگیج چست کُت۔ سی پیک ئِ منصوبگ ئَ را اسلیں رنگ دیگ ئِ سر ئَ مئے دلگوشی ئُُ جُھد سک باز بوتگ، ایشی ئِ کمک پاکستان ئِ اُلس ئُُ حکومت ئِ چین ئُُ چین ئِ اُلس ئِ سک باز منت وار آں ۔ 2013ئِ چین ئِ صدر ئِ تر ئُُ تاب ئِ بابت ئَ تران کنان ئَ مزن وزیر ئَ گوشت کہ ایش باز ارزشتی اَت۔ مزن وزیر ئَ گوشت کہ اے تر ئُُ تاب دو نیمگی ایجنڈا آنی تہ ئَ اقتصادی کمک ئُُ روگ ئُُ آیگ ئِ بُنجاھی بستار ئَ وت مہ وتی سیادی دارگ ئِ رچ ئَ گیش مھکم دار اَنت۔
