واشنگٹن۔ 30نومبر (اے پی پی) امریکی سینیٹ نا کمیٹی سلہہ بند فوج انا چیئرمین سینیٹر جان میک کین پاک فوج انا سبکدوش مروک آ سروک جنرل (ر) راحیل شریف ئِ زبردست خراج تحسین پیش کرینے و پارینے کہ او پاک فوج انا پوسکن آ سروک جنرل قمر جاوید باجوہ تون اواری اٹ کاریم کننگ نا خواہندار ئِ۔ تینا بیان اٹی سینیٹر میک کین پارینے کہ ای جنرل راحیل شریف ئِ بطور آرمی چیف اونا ریٹائرمنٹ آ مبارکباد و خراج تحسین پیش کیوہ۔ او دہشت گردی نا برخلاف جنگ اٹی اہم پارٹنر اس سلیس۔ نومبر 2013ءٹی عہدہ ئِ سنبھالنگ آن گڈ او پاکستان نا گل زمین آ سرگرم دہشت گرد آتے نشانہ جوڑ کننگ ناجامع کوشست کرے و دا جنگ ئِ خیبر پختونخوا اسکان ٹی کرے۔ اوداہیت انا عملی درشانی ئِ کرے کہ دہشت گرد رڑتا برخلاف کارروائی پاکستان نا قومی سلامتی نا مفاد اٹی ئس۔ امریکی سینیٹر جان میک کین شون و شان ریٹائرمنٹ آ جنرل (ر) راحیل شریف کن نیک است خواہی تا درشانی ئِ کرے و پارے کہ او چاہک کہ پاکستان کن جنرل (ر) راحیل شریف نا خذمت آک برجاسلرہ۔اومستی پارے کہ او پاکستان نا سویلین حکومت نا ماتحت فوج اٹی کمامداری نا تینا وڑوڈول انا رداٹ ارٹ میکو وار منتقلی آ مبارکبادی پیش کینہ۔
