اسلام آباد۔ 30نومبر (اے پی پی) قومی اسمبلی ٹی کیوبا نا راہشون فیڈل کاسترو ئِ خراج عقیدت پیش کننگ کن اسہ منٹ اس خاموشی اختیار کننگا وخت اس کہ قومی اسمبلی اونا پاکستان اٹی زمی جمب زہمی تے کن طبی امداد و شپس میڈیکل نا بشخ اٹی اسہ ہزار اسکالر تننگ آن بیدس اودے خراج عقیدت نا قرارداد ئِ ہم منظور کرے۔ چارشنبے آ قومی اسمبلی نا دیوان اٹی اسپیکر قومی اسمبلی سردار ایاز صادق پارے کہ دنیا نا بھاز بھلا راہشون فیڈل کاسترو کذیت کرینے زہمی جمب 2005ءنا وخت آ کیوبا نا زمی جمب نا زہمی آ علاقہ غاتیٹی طبی بشخ اٹی بھاز خذمت سرانجام تس۔ پاکستان آن زمی جمب نا زہمی تا چناتے کیوبا ٹی ایم بی بی ایس کرفے۔ اوڑکن اسے منٹ اس چپی و خراج عقیدت نا قرارداد اس منظور کننگے۔ محمود خان اچکزئی پارے کہ فیڈل کاسترو نا حق اٹی خاموشی اختیار کننگے۔ شازیہ مری پارے کہ فیڈل کاسترو سامراج نا برخلاف بھلو وخت اس جہد کرے۔ پاکستان نا زمی جمب نا زہمی تا پبی کمک ئِ کرے۔ آفتاب شعبان میرانی پارے کہ اودے فیڈل کاسترو تون اوڑدہی نا شرف دوئی مس او ذوالفقارعلی بھٹو و بے نظیر بھٹو کن نیک است خواہی تخاکہ۔ بلیغ الرحمان پارے کہ فیڈل کاسترو نا زند دنیا ٹی جہد آجوئی ٹی اختہ خلقت آتے کن اسہ اومیت اسے نا روشنائی ئس۔ اونا میڈیکل سسٹم دنیا ٹی مثالی ئِ۔ اواسہ ہزار چناتے میڈیکل نا بشخ اٹی اسکالر شپس تس۔ اوتیناتعلیم ئِ پورو کریر داسہ او جوان ئُ ڈاکٹر ئُ۔ ایوان اٹی فیڈل کاسترو نا خذمت آتے کن اسہ منٹ انا خاموشی اختیار کننگا۔ اوکان گڈ بنجائی وزیر دفاعی پیداوار رانا تنویر حسین متفقہ قرارداد اس ایوان اٹی پیش کرے دا ایوان فیڈل کاسترو اسہ عظیم ئُ لیڈراسے نا کذیت آ ڈکھ و افسوزنا درشانی ئِ کیک ہراہمیشہ راجی نا انصافی تا برخلاف جہد کرے۔ اوزمی جمب نا وخت پاکستان نا ہرابے مثل انداز اٹ کمک ئِ کرے دا ایوان اوفتا ستائِ کیک۔ قومی اسمبلی قرارداد نا امنائی اٹ منظوری ئِ تس۔
