اسلام آباد۔ 30نومبر (اے پی پی) قومی اسمبلی ٹی ڈاکٹر نفیسہ شاہ نا صنفی امتیاز نا برخلاف لکھوک آ کتاب آ اودے اسپیکر قومی اسمبلی خراج تحسین پیش کرینے وخت اس کہ نفیسہ شاہ تینا کتاب نامون پاشی ٹی چیئرمین سینیٹ تون اوار اسپیکر قومی اسمبلی و غٹ باسک آتے ہم ساڑی مننگ نا سلہ خلک۔ چارشنبے آ قومی اسمبلی نا دیوان نا وخت اسپیکر قومی اسمبلی پارے کہ اسہ معزز باسک قومی اسمبلی صنفی امتیاز و بیدادی آ کتاب اس لکھانے۔ ننا خوش قسمتی ئِ کہ نن تون مسہ پی ایچ ڈی ئُ۔ نفیسہ شاہ پارے کہ دا است بڈی آ نا منت واری ئِ ادا کیوہ۔ دامون پاشی نا دود اٹی اگہ نی و چیئرمین سینیٹ ساڑی مریرے تو کنا است بڈی مریک۔
