ہوائی سم کاری و آتش بازی آ پابندی آ سختی اٹ عملدرآمد کرفنگ انگ ئِ ، وقفہ سوج آتا وخت آقومی اسمبلی ٹی ورندی

اسلام آباد۔ 30نومبر (اے پی پی) قومی اسمبلی ئِ پاننگانے کہ ہوائی سم کاری و آتش بازی آ پابندی آ سختی اٹ عملدرآمد کرفنگ انگ ئِ ، اسلام آباد اٹی داسال 29کیس رجسٹرڈ مسر۔ چارشنبے آ قومی اسمبلی نا دیوان اٹی وقفہ سوج آتا وخت خالدہ منصور نا سوج انا ورندی ٹی پاننگاکہ دا سال 29سم کاری، آتش بازی نا کیس رجسٹر مسنو۔ دابارواٹی دفعہ 144آ پورو عمل کننگک۔