اسلام آباد۔ 30نومبر (اے پی پی) وزارت داخلہ نا کنڈآن قومی اسمبلی ئِ پاننگانے کہ ای میل یا فیکس انا کمک اٹ ایف آئی آر درج کننگ مفک، پیشن نا ملک رہینگوک آ پردیسی تیکن پاسپورٹ نا آن لائن آسراتی فراوان کننگانے۔ چارشنبے آ قومی اسمبلی نا دیوان اٹی وقفہ سوج آتا وخت مزمل قریشی نا سوج انا ورندی ٹی بلیغ الرحمان پارے کہ کراچی نا ہنکینی تیان نادرا ہچ ئُ ودکی دستاویز خواپک۔ مچ آ پاکستان کن رجسٹریشن پالیسی ٹی ہچ ئُ بے قاعدگی اس اف۔ اوپارے کہ اوورسیز آتے کن آن لائن آسراتی فراوان کننگانے۔ اوپارے کہ ای میل یا فیکس انا کمک اٹ ایف آئی آر درج کننگ مفک۔ اوپارے کہ اوغان مہاجر آتا پدی ہِننگ کن پالیسی ساڑی اف۔ طاہرہ اورنگزیب نا سوج انا ورندی ٹی وزیر مملکت داخلہ پارے کہ سندھ اٹی پاک بھارت سیم آ دیوال اس جوڑ جاڑ کننگ نا ہچ ئُ سلاہ اس اف۔ بھارت تون بارڈر آ باڑ اس ساڑی ارے۔ طاہرہ اورنگزیب نا سوج انا ورندی ٹی اوپارے کہ داوخت بلوچستان نا ہشت شار تیٹی پاسپورٹ دفتر ساڑی ئُ۔ ایلو ہشت اٹی پاسپورٹ دفتر آک مرحلہ وار فروری 2017ءاسکان کننگرہ۔
