ہاﺅس بلڈنگ ایڈوانس نا کم از کم زر50لکھ روپئی مقرر کننگ نا سلاہ غور اٹی اف

پارلیمانی سیکرٹری خزانہ رانا محمد افضل نا قومی اسمبلی ٹی ورندی
اسلام آباد۔ 30نومبر (اے پی پی) وزارت خزانہ نا کنڈآن قومی اسمبلی ئِ پاننگانے کہ ہاﺅس بلڈنگ ایڈوانس نا کم از کم زر 50 لکھ روپئی مقرر کننگ نا سلاہ غور اٹی اف۔ چارشنبے آ قومی اسمبلی نا دیوان اٹی وقفہ سوج آتا وخت پروین مسعود بھٹی نا سوج انا ورندی ٹی پارلیمانی سیکرٹری خزانہ رانا محمد افضل پارینے کہ سرکاری ملازم آتے کن ہاﺅسنگ بلڈنگ ایڈوانس نا مد اٹی کم از کم 50لکھ روپئی مقرر کننگ نا ہچ ئُ سلاہ اس غور اٹی اف۔ حکومت نا دانا بابت پالیسی اسے۔ داٹی بدلی مننگ کپک۔ کم تنخواہ والا تے اگہ داخہ زر تننگے تو اونا ریکوری مشکل ئِ ۔ شاہدہ اختر علی نا سوج انا ورندی ٹی اوپارے کہ ہرا ملازم آک تینا ڈیپازٹ آ سود ہلپسہ اوفتے آن نن ہم ہلپنہ۔