اسلام آباد۔ 30نومبر (اے پی پی) قومی اسمبلی ٹی وزارت خزانہ آن تعلقدار گڑاس سوج آتا ورندی بفننگ آ اسپیکر قومی اسمبلی پارلیمانی سیکرٹری خزانہ غا ترند مرسا اودے خبر داکرینے کہ اگہ پین وخت اس دُن مس تو اونا برخلاف کارروائی کننگک۔ چارشنبے آ قومی اسمبلی نا دیوان اٹی وقفہ سوج آتا وخت وزارت خزانہ نا کنڈآن سیاسی راہشون و پارلیمنٹرینز آتے ماڑی و گاڈی تا ہلنگ کن بینک لیز یا وام انا آسراتی نا بارواٹی سوج انا ورندی بفننگ آ اسپیکر پارے کہ تینا ملازم آتے خبردار کے کہ او دُن کپس و سوج آتا ورندی ئِ بروخت ایتر۔ مسکوہی مسہ سال انا وخت بنجائی حکومت نا کنڈآن دوئی کروک آ وام تا اخس درسد بلوچستان ئِ تننگ نا بابت سوج انا ورندی بفننگ آ اسپیکر پارلیمانی سیکرٹری خزانہ غا ترند مرسا اودے پارے کہ اگہ پین وخت اس دُن مس تو نا برخلاف کارروائی مریک۔
