اسلام آباد۔ 24نومبر (اے پی پی) پاک امریکہ بزنس کانفرنس بروک آ سال اپریل 2017ءآ کراچی ٹی اڈ ہلیک۔ زرکاری بورڈ سندھ و کراچی ٹی اڈ ہلوک امریکی قونصل خانہ نا کمامدارآک کانفرنس نا اڈتننگ آ اتفاق کرینو۔ سندھ زرکاری بورڈ انا بیان نا رداٹ کانفرنس نا اڈتننگ نا بنداوی مسخت پاک امریکہ ہڑتوم آ کنڈآتا واپاری و اقتصادی رابطہ غاتیٹی ودیکی ئِ۔ کانفرنس اٹی 30آن زیات امریکی کمپنی شرکت کیرہ ہرافتے ٹی انفارمیشن ٹیکنالوجی، توانائی، بنداوی ڈھانچہ، کشت وکشار، خور، ٹیکسائلز، گارمنٹس و مالیات نا بشخ آتون وابستہ کمپنیک اوار ئُ۔
